туьрк, прил. 1) ахварин гьалда авачир. 2) са квекай ятӀани иътиятлу тир. Синоним: мукъаят.
* уях хьун гл., вуж 1) ахварикай къакъатун. Югъ малум жезмазни уях хьайи Мегьамедрасулаз вич цӀийиз дуьньядал акьалтайди хьиз хьана. А. И. Самур. Ацукьнавай чкадал, кьил хурал аватна, бицӀи аял хьиз, ахвариз фенвай Тенфе баде садлагьана уях хьана. А. Къ. Нехирбанни лекь.... экуьнин ахварикай уях хьайи рушари дагъдин рекьик манидин ван кутадай. С. Муслимов. ЦицӀигъ-наме. 2) куьч. са квекай ятӀани хабар хьун. Гьикьван къвазда вун кисна, мус жеда уях, гуьзел яр. С. С. Гуьзел яр. Заз и ксариз тикрарна лугьуз кӀанзава: Эй, бейниванар, вири дуьнья уях хьанва, бес Куьн мус уях жеда? «Садвилиз» садни чара ийидай, пайи-паяр ийидай ниятар авач. «Садвал» хайи лезги халкь сад ийиз алахънава. М. М. Кьибле пата гурзава. Эхь, яргъал йисара суствиле, зайифвиле аваз хьайи халкь гила гьакъикъатдани уях жезва. ЛГ, 2004, 15. VӀӀ. 3) куьч. гъавурда гьатун. Чун авам хьайиди хьана, чи веледар кьванни са тӀимил уях хьуй ман. Гь. Гь. Адетдин къармахра. Гьерекат кутуна кӀанда. Герек, амай районар уях жедалди, чна тӀвар алай са вуч ятӀани ийин. А. А. Лезгияр. Зи умудар вири вав гва. Уях хьухь, я хва. З. Гь. Ахварай авудай аваз. Къе Самурдик кьибле пата халкьди яшайишдикай цӀийикӀа фикириз башламишнава. Къе кьибле пата халкь уях хьанва. М. М. Кьибле пата гурзава. 4) мукъаят хьун. За вун КӀаруйрин ятахдал кьван хутахда, - эун Айвазан гафари уяхарна... Т. А. Мехъер куьтягь тахьанмаз.