нар. 1) хабар авачиз. Чаз хабарсуз ваз ярава. Е. Э. Я бахтавар. ИкӀ хабарсуз атанвайди Дустарин са кӀеретӀ хьана. А. Къ. Шикилрин кӀвал.... вичи вичин бубани гьа и чкадал икӀ хабарсуз гъуни хцин рикӀе тӀал туна, адав къадим адетдин вагьшивал аннамишиз туна. А. Къ. Нехирбанни лекь. 2) садлагьана. ТахьайтӀа ам колхоздин цӀийи седри я жеди?! И гаф хьайи седридай Хабарсуз агь акъатна. А. С. Ислягьвилин шикилар. Са легьзеда вилери лупӀ тийиз килигай Сагъиран кангурвал квай яргъи беден жир хьиз акъаж хьана ва гъил хабарсуз къушайрал фена. У. Къемберов. Спелар куьрсарай хам. - Вуна ина вуч ийизвайди я, я Абас буба? - хабарсуз и сес галукьайла, кьил чиле туна физвай къужа, кя хьана. М. В. Гьарасатдин майдандал. Синонимар: хабарсуздаказ, хабарсуздиз.