сущ.;, -ди, -да; -ер, -ери, -ера 1) кьакьан затӀунин таъсирдикди ракъинин нурар ават тийизвай чка. ... ам таран хъендик вацраз ухшар хьана аквазва. М. В. Гьарасатдин майдандал. Лацу цуьквери басмишнавай, дагъдин хъендик квай этегда живедин маргъалар авайди хьиз аквазвай. З. Э. Булахдал. 2) аватзавай экв кӀев хьуналди арадиз къведай са уьтери шикил. Ацукьай, я хъфидай тегьер тахьанвай арада хъен хьиз Султан атана акъатна. А. А. Лезгияр. Чи патариз хъфизвай машинар акъвазардай чкадал агакьдалди, зун рекьин къерехра авай гуьзгуьдин туьквендин цларай жуван хъендиз килигзавай. М. Б. Шапка.
* хъен вегьин гл., ни нел, квел айиб кутун. \[Юсупов\]. - Абурун тӀварарал завай хъен вегьез жедач. Келбихан лагьайтӀа, за ви патав лап къе гваз хкведа. А. Аминов. Шуьшедал гелер.
* хъендай фин гл., вуж нин аксивал авун. Заз килиг, эгер вун мад Сулейманан хъендай хъфейтӀа, чна ви хамуниз кьел яда, чир хьухь. Б. А.. З. Э. СтӀал Сулейман.