сущ.; -еди, -веда; -вер, -вери, -вера 1) кӀуква гуьрчег рангадин курквачӀ авай хъач. Рушарин арада Цуьк хьиз аквада... Е. Э. Ярдин тариф. ХупӀ рахада билбил сегьер вахтунда... Цуькведивди дигай гатфар вахтунда... Е. Э. Билбил. Зулун багъда къуразва цуьк. А. С. Хцихъ галаз ихтилат. Цуькведилай чӀижери вирт, Гъуьлягъдини зегьер кӀватӀда... А. С. Хцихъ галаз ихтилат. 2) куьч. сада масадаз вичин патай хуш рафтар авайди къалурун патал ишлемишдай гаф. Ваз и вахт хийир хьурай. - Абат хийир, чан цуьк. А. Р., Я. Я. Хендедадин мехъер. 3) шиир, куьч. кӀаниди. Зи кӀанидал - арандавай цуькведал, Лезги чилин - пак женнетдин зар ала. С. Султанов. Ви хъуьруьнин сир вуч ятӀа? Синоним: гуьл.
* ракъин(ин) цуьк, са цуьк экъечӀуналди гатфар жедач
* цуьк авадарун гл., куь цуьквер аламукь тавун. Цуьквер авадарда зулухъди, цуьквер акъудда гатфарихъди. Р.
* цуьк авун [акъудун, ахъаюн ] гл., куь 1) цуьк арадал гъун. Беневшайри кьве сеферда цуьк акъудда: гатфариз ва гатуз. А. С. Беневшайри кьве сеферда... Ада и мукьвара цуьк акъудун лазим тир афнийриз яд гузвай. З. Э. Муькъвел гелер. 2) куьч. бегьерлу хьун. Ингье, са вахтунда «кьанлу ШаракӀунди» исятда цуьк ахъайзава. Къ. М. Рекьин риваятар. Халкьдин манийрал, милли авазрал гзаф рикӀ алай Зулейхадин бажарагъди, ашукь Гьажидиз гъуьлуьз фейила, мадни фарашдиз цуьк акъудна. К. К. РикӀе мани авайбур. XX асирдин 1930-70 - йисара лезги халкьдин культуради, искусстводи цуьк акъудна. ЛГ, 2004, 30. ӀХ.
* цуьк хьтин прил. гуьрчег. - Ада лап акьуллу кар авуна. Цуьк хьтин руш кьуьзуь хъамадиз гуз, гьамни кар яни? З. Э. Муькъвел гелер.
* цуькведивди гаф атӀун гл., ни яб гузвайда, рахазвайдан хатур хун тавуна, амма кутугай чкадал вичин гаф лугьун. За ви гаф цуькведивди атӀузва. Р.
* цуьквер(ин) сувар сущ. халкь сад ийизвай суваррикай садан тӀвар. Ахцегьа - жемятриз къвез-хъфиз регьят ШаракӀунда, Белижда, Дербентда ваъ - тухузвай милли эпосдин сувар себеб яз чи печатда эхиримжи сад-кьвед йисуз Цуькверин суварин ( Ахцегь район, Чеперин сув ) ван-сес амач. И. Гь. Хуьруьгрин кьуьл - Шарвилидин кьуьл.
* цуькверилай руг къачун кт., гл., ни емишрин са жинс маса жинсинин акадарун. Кондрашоваз Алижана вичин эхиримжи цӀийи тежриба къалурна. Кицик тарцин хилел алай вад-ругуд цуьк ада жумунин тарцин цуькверилай руг къачуна, гьа руквадал тумламишнавай. Ингье сифте нетижа: тарцел алай кицикрилай пуд кицик хейлин екедай. Абур памадурар кьван авай. А. А. Лезгияр.