туьрк, сущ.; -иди, -йда; -яр, -яри, -яра 1) кьетӀен рангунин ва ни къведай махсус набататдин пешерикай гьазурнавай векьер. 2) бедендиз регьят хьун патал, чай кваз гьазурна, ргазвай яд. Назира пичина кӀарасар хтуна ва чайдандин къвалал гъил эцигна. Чайни рганвач. З. Гь. Ахварай авудай аваз. 3) кьетӀен ни къведай махсус набататдин пешерикай гьазурнавай векьер, кузвай циз вегьена, бедендиз регьят хьун паталай, ргай циз яна, хъвадай затӀ. Нагагь хвейитӀа сад-садалай артухдиз, Чай, шекер гуз гьам зар- зиба алукӀиз, Рахач абур сад-садавди ачухдиз. Е. Э. Кьве паб. Билбилдиз - цуьквер, Чайдив хьваз шекер, МичӀивилиз - эквер, Властдиз - аскер ХупӀ ярашугъ я. С. С. Квез вуч ярашугь я. Лацу я шекер, ширин я шекер, Ацукь чаяр хъван, шад хьурай рикӀер. Ш-Э. М. Шекербег. Хуьрек недайлани, чай хъвадайлани, ам \[Хуьруьг Тагьир. - А. Г.\] вири азарлуйрихъ галаз санал жедай. А. Э. Шаирдин тарсар.
* чай къачун гл. чай хьун патал ргай циз ядай махсус набататдин пешерикай гьазурнавай, кьетӀен ни къведай, яру, хъипи, къацу рангунин затӀ гьазурун. Туькендай чай къачун регьят я, къулал чай къачун еке устӀарвал я. Р.
* чай-шекер сущ. чай ва адав хъвадай ширинлухар - вири санлай. Адан суфрадик фу квай. Амма къафун - хуьрек, ягълу-яван, чай-шекер кьит тир. Алухрикайни дар я. З. Э. Рамзият.
* чайдин бушкъаб |къаб\] сущ. чай хъвадай истикан эцигдай къаб. Синоним: налбек.