прил. чай хьуниз, ам гьазуруниз талукь.
* чайдин векь(ер) сущ. чайдик кутадай кьетӀен ни къведай махсус набататдин пешерикай гьазурнавай векьер.
* чайдин къаб сущ. чай авай стакан эцигдай къаб. Ада зи вилик суфра экӀяна. Сандухдай акъудна са шиткар фуни хатрутрин мед авай чайдин кьаб - ленбек эцигна. З. Э. Зулун пеш. - Зани абурун вилик кьве армутӀ истикӀан ва чайдин къабни эцигна. С. Ярагъви ашукь Уьзден.
* чайдин тӀур сущ. 1) чайдиз вегьей шекер акадардай гъвечӀи тӀур. 2) гъвечӀи тӀур. Ахвар квахьайла, ругунвай са стакан циз чайдин са тӀурунавай вирт хуькуьрна, аниз лимондин са паюнин миже алава хъувуна йикъа пуд сеферда фу недалди 30 декьикьа амаз 1/3 стакандавайди ишлемишда. ЛГ, 2004, 15. VӀӀ. Иферар, кьурурнавай шивитар ва лавровый пешер ( вири сад хьтин паяр ) кофемолкада регъвена вири сад- садак какадарда. Руфуник ял акатнавайла, чайдин тӀурунин са кьатӀа авайди ишлемишда. ЛГ, 2004,15. VӀӀ.