|| ШУЬКУЬР2 ! межд. Аллагьди авур хъсанвал аннамишна, хъсанвилел разивилин гаф. Гена шукур, партийный организациди гъавурдик кутурла зи хцин кьили ван авуна. З. Э. Рекьер сад туш. Дуьнья халкьай, гайи адаз цаварин абур Сад Аллагъдин чӀехивилиз халкьарин шукур... И. Гь. Жув авай рехъ.
* шукур авун \[гъун \] гл., ни авур хъсанвал аннамишна, хъсанвилел рази хьана, хийир дуьа авун. Шукур ая бахт гайидаз. Е. Э. Эмин гада. Чун халкь авур чи халикьдиз Шукур гъиз минет ая тӀун. Е. Э. Эмина, вич рекьидайла, лагьай чӀал. Уьмуьр гуьзел, ачух рекьер, Гьерекатда лайих тегьер, Алахъунриз гудай бегьер, Шукур гъида Худадиз за. М. Алпан. Шукур.
* шукур \[шуькуьр\] < хьуй > Аллагь(диз) \[Худа(диз), цавариз \] межд. ' Аллагьдиз шукур хьуй, авай гьалдал рази я" манадин ибара. Хабар кьурта зи гьалдикай дустари, Шукур Аллагь, хъсан я лагь дустариз. Е. Э. Дустариз. Шуькуьр хьуй Ваз, чаз шафзат устадар Авай аям халкь авур Сад Иллагьи. Е. Э. Иллагьи. Ваз шукур хьурай я Худа! -гъилер хкажна имиди вилер къава атӀумна салават гъана. З. Э. Муьгьуьббатдин цӀелхем. - Школа, Аллагьдиз шукур, хуьрени ава, - алава хъувуна Лукъмана. З. Э. Рамзият. Шукур худадиз, вичихъ галаз вуж гьикӀ рахазватӀа, нин фикир гьинай къвезватӀа, гьасятда къатӀуз вердиш хьанвай. Я. Я. Са фурун вакӀар. Гена шукур хьуй цавариз зун ухшарнач Рекьихъ эвел тахьанвай я эхир. И. Гь. Будала вун. - Алейкума салам, чан хтул, - адан гъил кьуна Магьмуд имиди, - Аллагьдиз шукур, гьеле чан алама. А. Исм. Алукьдай ахвар.