гл., ни низ; -ди, -на; -из, -зава; -0 || -а, -ин, -рай, -мир; эвер авун, эвер тавун, эвер тахвун, эвер хъийимир 1) са вуж ятӀани рахазвайдаз килигун, патав атунин къастуналди адан тӀвар хци сесиналди гьараюн. - Эвера, - лагьана пачагьди, - белки, гьадаз чир жен угъри. Ф. ЦӀицӀали. Са-садан тӀвар кьаз кӀамай кьван эвера, Чуькьни тийир дустар авай кас шедачни? Е. Э. Заз сабур гуз. - Риза, Къурбаназ эвера! А. Ф. Риза. - Я Къадуч стха! - сада эверна. Сес танишди я. З. Э. Рамзият. - Вуна, паб, са хинкӀар хъийизва! - Вунни, хва, акъвазмир, фад эвера -Халуйриз, чи кӀваляй хъфизвай, Кьулухъди хъша лагь, эхвера... М. Б. Дустарикай кьве шиир. 2) ктаб. са кар кьилиз акъудуниз теклифун. Колхоздикай лезги чӀалал туькӀуьрнавай маса чӀалара хьиз, инани шаирди лежберриз колхозда сад хьуниз, ана хьсандиз кӀвалахуниз, бул ва хъсан мейвайрин, техилдин ва памбагдин бегьер битмишаруниз эверзава. М. М. Гь. СтӀал Сулеймана азербайжан чӀалал туькӀуьрай шиирар. Синоним: эвер гун.