прим, экуьниз талукь тир.
* экуьнин гъед сущ. йиф йикъахъ элкъведайла цавал аквадай гъед. Экуьнин гъед туьхуьзвай береда Сунами Сурия авай кӀвализ гъахьна. М. В. Гьарасатдин майдандал.
* экуьн(ин) кьиляй нар. пакам жедай вахтунда. ПемпӀеша са экуьнин кьиляй кӀекрел гьейранвал ийидай. М. В. Гьарасатдин майдандал. - Вуна заз и экуьнин кьиляй гузвай салам-калам гъахьтинди яни? М. В. Гьарасатдин майдандал.
* экуьнин кӀек хьиз нар., экуьнахъ лап фад. Яъ, я Худа Гьажимурад! Ша, илиф, алциф! Вун экуьнин кӀек хьиз чахъди илифнава хьи? Хийирдин хабар кьванни гваз атанвани? С. Ярагъви ашукь Уьзден.
* экуьн(ин) хийирар ! межд. пакаман вахтунда сад-садал гьалтайла, салам гунин ибара. - Ваз экуьн хийирар, чан руш! -Абатхийир, диде. А. Муграгъви. Ажалдин хура. Синонимар: пакам(ан) хийирар, сабагь хийирар!
* экуьн(ин) ярар сущ. пакаман вахтунда ракъинин сифте нурар. Гъетерайни вацрай, экуьн ярарай, Багъларайни, тарарайни, тамарай, Зи куьрпеди сифте къачур камарай Сагърай, сагърай зи Ватандин тӀебиат. Ш-Э. М. Сагърай ТӀебиат. Ам хуьряй акъатайла, Шаркь пата цав, экуьнин ярар ягъна, агъургъан атайди хьиз авай. М. Б. "Жигули". Гатуз экуьнин ярар янамазди, и рехъ дагъдиз векь ягъиз, кьурай векь кӀватӀна марквара тваз физвай, маларин фермайрал хъфизвай колхозчийрай ацӀудай. С. Муслимов. ЦицӀигъ-наме. АцӀай къуьлуьн кьилер хьиз куьрс хьана, экуьнин ярарал гьар жуьре рангарин нурар гузва. М. В. Гьарасатдин майдандал.