сущ.; -или, -виле; -илер, -илери, -илера чеб-чпиз мукьвавилинни дуствилин алакъалувал. Гьам жуваз фу неда на, гъам са вацӀуд рипе техилни къачуда. Ваз юлдашвиле вун хьтин сад чна мад аквада... А. Ф. Риза. Яваш-яваш, чпизни хабар авачиз, юлдашвал, дуствал муьгьуьбатдиз элкъвена... А. А. Умуд.
* юлдашвал авун гл., ни низ 1) чеб-чпиз мукьвавилинни дуствилин алакъалу хьун. Са шартӀ ава: эгер вуна эхирдалди юлдашвал ийиз ва гьар са карда заз куьмек гуз хьайитӀа, зун рази я, - жаваб гана Рамзията. З. Э. Рамзият. 2) сада масадаз пабвал ва я гъуьлвал авун. - Кьейи гъуьл зи рикӀелай фенвач, чан вах, я финни ийидач! Ам рикӀе аваз, завай масадахъ галаз юлдашвал ийиз жедач. З. Э. Муькъвел гелер.
* юлдашвилин суд куьгь., сущ. санал кӀвалахзавайбурукай сад тахсиркар хьайила, адаз юлдашри жаза гудай мярекат. Вуч хабар я, белки къе ваз Чи маякри са кар кьуна. Юлдашвилин суддин вилик Тухванани япар кьуна? А. С. Муьфтехурдин кьилихъ лайлай. . ЮЛДАШВИЛЕЛ || ЮЛДАШВИЛЕЛДИ нар. мукьвавилинни дуствилин алакъаяр, гьиссер аваз. Гьар са карда кӀвенкӀвечи даим Ада пара зиреквилел, Кьуна чуькьвена чи гъилер. Жузунарна, юлдашвилел Хъуьрез чӀулав хци вилер. А. Ф. Эм-Тэ-Эс.... ада колхоздин седридиз юлдашвилелди лагьана: - Бес гишила ацукьдани? - Чайхана ава хьи. Гьаниз фида. А. А. Лезгияр.