Mənbələrdə çiq (çiyid sözü mənbələrdə çiqid kimi yazılıb) sözü var və “yumru” mənasını verir. Bizdə 2 oxşar söz var: çiyid və çəyirdək. Çiyid yumru olur, qabığı isə çox bərk olmur. Çəyirdəyin qabığı çox bərk olur. Əsas fərq də budur. Güman edirəm ki, çiyid (pambıqda və s.) məhz yumru olması (qabığı da az bərkiyir) ilə fərqlənir. Çiyid və çəyirdək tarixən qohumdur, çi və çə hissələri “su” anlamını əks etdirir. Hər iki söz “cücərmək”, “çıxarmaq” (çıxıd) mənaları ilə bağlı ola bilər. Çəyirdək meyvəsinin ləti olan, çiyid isə olmayan bitkilərlə bağlıdır. (Bəşir Əhmədov. Etimologiya lüğəti)