1. Sinirləri son dərəcə həssas olduğu üçün cüzi bir şeydən çox tez əsəbiləşən, təsirlənən, hirslənən. Əsəbi adam. Əsəbi qadın. Qırmızı işıqda uzun müddət işləyən adamlar get-gedə əsəbi olurlar.
– Mollayev qaraqabaq, zəhmli və əsəbi bir adamdı.
// Əsəb xəstəliyi olan. Əsəbi xəstə.
2. Daxili həyəcan və iztirab ifadə edən, əsəbilik ifadə edən. Əsəbi yeriş. Əsəbi hərəkətlər. Əsəbi gülüş. Əsəbi göz yaşları.
– Ayaz … əsəbi bir hərəkətlə papirosunu yerə çırpdı.
Gecənin sükutunda kağız üzərində əsəbi hərəkətlə gəzən qələmin xəfif səsi eşidilirdi.
3. Əsəbiləşdirici, əsəbiləşməyə, həyəcanlanmağa səbəb olan; narahatlıq və iztirabla dolu. Əsəbi iş. Əsəbi dövr.
– Keçmiş … o ölüm hissi verən kinli zamanlar; Xırçın, əsəbi, sisli xəzanlarla süründü.
