|| БИНА араб, сущ.; ди, -да; -яр, -йри, -йра 1) дараматдин цлар эцигдай чка. Бине... кьве раг, къванерикай дестекар. А. С. Уста Идрис. Герек къведай динамитзатӀни Букриди йифен вахтунда Бутаян кӀвалерин бинеда хьиз саламат авуна, ахпа ада радиоуправление туькӀуьрна. Я. Къафаров. Кумукьна. 2) дарамат. Нур гузавай мина хьтин, Аквада ваз чӀехи клуб, Тамам цӀийи бина хьтин. X. Т. Ахцегьар. АкӀ я хьи заз и дуьньядин бинеяр Хуьзва ада, гъалиб хьана ажалрал. А. С. Дагъви дишегьлидиз. Кьакьан синерилайни, тепейрилай гилани гзаф хуьрерин куьгьне бинеяр чир жезма. К, 1988, 16. XӀӀ.
* бине авачир кар сущ. кьилиз акъат тийидай кар.
* бине кутун гл., ни куьн; 1) яшамиш жедай сифтегьан кӀвалер эцигун. Хуьруьн бине кутур вахт тайиндаказ малум туш. ЛГ, 1992, 21. Ӏ. ЦицӀигърин хуьруьн бине XVӀӀ- асирдин сифте кьилера Къубадин Штул, Захит-Наби ва маса хуьрерай куьч хьайи кьуд сихилди кутуна. Гуьгъуьнилай абурун къваларив мукьув гвай хуьрерай катнавай, акъуднавайбуруни чпиз бине кутаз эгечӀна. Ж. Гь. Лекьерин гьуьндуьрда. 2) кьилдин хизан авун. - Сулейман, - лагьана Смейила, - гила вун чуруспел авай жегьил я. бине кутадай меслятар ая. Лагь ваз чи хуьряй нин руш кӀандатӀа, чна адак са лишан кутада. С. 3) куьч. себеб, делил. Судди Аскеран яргъал миресрин арзаяр бине авачирбур тирди тайинарна. Я. Къафаров.
* бине эцигайди сущ. са кардик сифте кьил кутурди.