гл., ни вуч; -уда, уна; -уз, -узва; -у, -ун, -урай, -мир; къахчун тавун, къахчун хъийимир 1) жуван затӀ масадавай вахчун, къакъуд хъувун. - За ви дуван ийида, Къайиб! А югъ лап мукьвал ала! Вири гьакьар, заз кӀани кьван хкана вуна зи кӀвале эхцигда!.. ТахьайтӀа, зун цавай-чиляй атана, вак акакьда. Вири къахчуда, амайдазни цӀай яда, валлагь, яда!. Къ. М. Экуь инсан. 2) авайдалай артух яз вахчун. Холодильникдиз килигнани? А як за къахчуна эцигнавайди я. ЦӀуд кило ава. Н. М. Жандар Магьамай. 3) вичихъ галаз тухун. Пачагь, вичин назир, вазирни къахчуна, и гадани галаз вичин кӀвализ хтана Ф. Ирид юкӀ алай Магьамад пагьливан. Бубадин ракӀарихъ гадрай аял язухдай къунши папа къахчуна дидевал авуна, ирид йисаз акъатдалди хвена. М. М. Гь. ЧӀехи шаир. 4) са вуч ятӀани эцигай, алай чкадилай вахчун. Ахпа хтана за жуван чемодан къахчуна. 3. Э. Зун гъавурда акьазван. Немсери янач. Абуру яракьар къуьнерихъ хъивегьна ва чпиз гьазурнавай багъламани къахчуна хъфена. А. Къ. Немсерин аскерар ва куьрпе. 5) кӀватӀ хъувун. Чакъалдиз сикӀре ачкар тӀуьр саягъ акуна, амма сухварай акъатайди къахчуз тахьана, ажугълу яз, ада чил тушунна. Къ. М. Душмандин тум. Магьсулар кӀватӀ хъувуна, абур гатана, виликан батӀракар, гилан иесияр чпин паяр къахчуз гьазур хьанвай. Къ. М. Дуствилин цӀай. 6) жуваз талукьарнавай затӀ жував хьурун. Эхиримжи сеферда академиядиз мажиб къахчуз атанвай. М. М. Уях хьухь, лезгияр! Амма пуд вацран гьакъи яз: пуд манатни са чарх гьалва къахчур Къарахан, касни амачир етим хьиз, куьчедал хьана. М. Гь. Буржар хьайитӀани алатда хьи... Гьа приказ къахчуз атай зун коллективди гъилерал кьуна тухвана столдин кьиле тамададин патав ацукьарнай. А. Къ. Гилигзава.