кӀан хьун глаголдин вахтунин форма. 1) муьгьуьббатдин гьиссер хьун. муьгьуьббатдин гьиссери кьун. 2) са кар кьилиз акъуддай хиял хьун. Къуншияр вири хъвадай кефчияр ятӀани, Мирим абурун арайра авач. КӀандач касдиз хъваз, "жуван пулни гана, жув гижи ийиз" М. Б. "Жигули". КӀанзамайди дагьардиз эвичӀдай серенжем кьабулун я: кӀирер аниз, гьелбетда, агакьдач. М. Б. За бананар недач. - Тух хьана, кӀанзамач, - амаларзава. М. Б. За бананар недач. 3) нин-куьн ятӀани терефдар хьун. Хуьрек кӀанда даим ширин, кӀвални жен хевлет, фекьияр. С. С. Фекьияр. Гатун рагъни хъуьтӀуьн аяз - Гъич кӀандач квез гъабур галаз Серин кӀвале теспягъ чӀугваз. С. С. Фекьийриз. Халкьдив чпин малар вахкана кӀанда, ТахьайтӀа садани цан цадач абуру. А. Ф. КьатӀ-кьатӀ авур зунжурар. Пакамлай няналди гьа ихътин крар ийиз тунайтӀа, адаз маса кар кӀандачир. А. Ф. Риза. Ватан кӀанзавайдан рикӀ ватандихъ кана кӀанда. 3. Р. Веси. Инсанрихъ инсаф кӀанда. Гь. Къ. Четин бахт. Гьамиша хьиз, квез завутдин ракӀар ачух я: кӀандатӀа, - атана кӀвалаха, кӀандатӀа квез герек тахта, шалман, рак-дакӀар къачу. Къ. Гь. Четин бахт.
* кӀандатӀа гада хьурай, кӀандатӀа - руш мисал 'гьикӀ кӀандатӀани хьуй, вуч кӀандатӀани хьуй, - заз са гафар я' манадин ибара. ВакӀар хуьрай, гими гьалрай, - къайгъу туш, КӀандатӀа гада хьуй, кӀандатӀани руш. И. Ш. Кьудар.