сущ.; -или, -иле; -илер; -илери, -илера лавгъа тир гьал, кьуру дамахчивал. Кьве шиирда Сулеймана бязи инсанрин ахмакьвал, намердвал, „михеннатвал", кьуру лавгъавал ва ихьтин маса айибар пислемишзава. М. М. Гь. СтӀал Сулеймана азербайжан чӀалал туькӀуьрай шиирар. СтӀал Сулейман атай гаф элкъуьр тийидай, гзаф простой ва кӀусни лавгъавал квачир кас тир. З. Э. СтӀал Сулейман. Намуслу я шадвални дерт чидайди, Тийижирди ялтахвални лавгъавал. Ш-Э. М. Зул. Иллаки кьуру гафар ийидай, лавгъавал квай, тапарар квай, тежедай кӀвалахар хиве кьадай. С. Муслимов. ЦицӀигъ-наме. Синоним: фурс.
* лавгъавал авун гл., ни дамахар гвай, масадбур кваз такьадай гъалдин хесетар, амалар кьилиз акъудун. - Виридалайни къудратлу гьевес, кьуру дамах къачуна, лавгъавал авун я. Гьа и гьевесдикай куьне зун хуьх, амайбурукай за зун хуьда. М. Ш. Кьве хесет. Синоним: фурс авун.