сущ.; -или, -иле; -илер, -илери, -илера лезгийриз хас хъсан амалар, хесетар. Ам (Лезги Нямет. - А. Г.) уьмуьр иердиз чидай... милливал, меденивал, лезгивал хвейи, гележег патал женг тухвай шаир я. З. Ф. Халкь патал халкьнавай инсан. Ягь яни вун, намус яни лезгивал?! Вун бахтунихъ къекъвезвач, куьз лагьайтӀа Бахт багъишиз гъазур я вун жагъайдаз. А. Къ. Дишегьлияр. Райондай ваз кӀвалахни жагъурда чна, ви юлдашдизни са чка аквада. Вуна адаз акъван яб гумир. Вахъ жуван итимвал хьухь, жуван лезгивал хуьх. Раб гьинихъ фейитӀа, гъални гъанихъ фин лазим я. Итим кӀвалин раб я, пабни - гьал. М. В. Гьарасатдин майдандал. Хесетни къаст гадар тийир, Лезгивилер квадар тийир Рекьидай туш лезгияр... К. М. Рекьидай туш лезгияр. Шаирдин саки вири чӀалара, шиирдай шиирдиз физ, лезгивилин нур ава. ЛГ, 2001, 8. ӀӀ. Эхиримжи вахтара чна лезгивилин гзаф лишанар квадарнава: милли тӀварар, къени къилихар, хъсан адетар. "Самур" газ., 2002, 21. XӀ. Лезгивилин чи намусдин гъейратди ТӀалабзава лезгивал чи вине хьун. Р. Магьмудов. Муьгьуьббатдин элегия.