нар. 1) артух, пара. - Куьн гъахъ я. Квез Мирзеферакай хабар авачир. Квез и йикъара мад хабарар агакьда. М. Гь. Гезентидин эхир. Алай йисуз чи республикада "Дагъустан" тӀвар алаз урус чӀалал мад са журнал акъатда. "Самур" журн., 2002, No 23. 2) виликандал, тикрар хъхьана. Мад са суал мецел атай Самурдиз за гьарайнай: - Чи пакад югъ гъихьтинд жеда, Чаз чир ая, Самур ба. Н. Сам. Самур. 3) эсиллагь, ерли. [Рамазан]. Бакудай хтай чи юлдашри, Урусатда мад пачагь, беглер, ханар амач лугьузва. Ж. Эфендиев. Азадвилин рекье. Мад анай зи кьил акъатнач. Ж. Эфендиев. Азадвилин рекье. * хьайид хьана мад.
* мад ва мад нар. лутьузвай фикирдин кьетӀивал къалурдай ибара. Гьа чӀавуз заз мад ва мад яшамиш жез ва мадни гзаф Халисадал ашукь жез кӀан жеда... М. В. Гьарасатдин майдандал.
* мад вучда кӀус рахазвайдан фикир кьилиз акъудиз тежезвайди къалурдай ибара. Заз вакай зи кӀвале еке кас ийга кӀанзавай. Мад вучда? Вири таб я, кьисмет гъахъ. С. Ярагъви ашукь Уьзден. [Къизилгуьл]. Мад вучда, чан Шабан стха, жегьилрин кефи хана виже кьведач. Ж. Эфендиев. Азадвилин рекье.