туьрк, сущ.; -ди, -да; -яр, -йри, -йра салан емиш ва хъчар. Муькуь чӀал колхоздиз талукьди я. Колхоздикай лезги чӀалал туькӀуьрнавай маса чӀалара хьиз, инани шаирди лежберриз колхозда сад хьуниз, ана хъсандиз кӀвалахуниз, бул ва хъсан мейвайрин, техилдин ва памбагдин бегьер битмишаруниз эверзава. М. М. Гь. СтӀал Сулеймана азербайжан чӀалал туькӀуьрай шиирар. Зулухъ геж, мекьивилер жедалди са шумуд югъ амаз, салара къаяриз дурум гудай майвайрин: газардин, чичӀекрин, чугъундуррин,. салатдин, шивитдин, редискадин тумар цада. ЛГ, 1998, 26. ӀX. Яру цӀаяр хьтин памадурар, къацу векьер хьтин афнияр, чичӀекар, хъчар ва мадни маса майваяр булдиз алай анал. А. Исм. Алукьдай ахвар. Эгер вахтунда чкайрал майваяр кьабулдай, пунктар ачухайтӀа, ' абур и инжиклувиликай хкатда. Т. А. Мехъер куьтягь тахьанмаз. ☼ 1955 - йисалди орфографиядин норма мейва тир ( кил.: М. М. Г. ЛЧЮС), 1964 - йисалай майва кхьин кьабулнава ( кил.: М. М. Г., Р. И. Г, У. А. М. ЛЧЮС, 1964-2001 ). Чи фикирдалди, эвелан норма а гаф лезги чӀалаз къведалди вич авай азербайжан чӀалан форма хвена кхьин бинедиз кьабулнавай, гуьгъуьнлай - а гаф кхьин лезги чӀалан рахунрив мукьва авуна.