араб, сущ.; -ди, -да; -ер, -ери, -ера 1) инсандин кьетӀенвал арадал гъизвай фагьум, фикир. Лугьудайвал, сагълам беденда сагълам руьгь ава. Адаз Шарвилидин руьгьдикай пай ганва лагьайтӀани, гъалатӀ жедач. ЛГ, 2003, 13. XӀ. 2) инсан. Шумуд руьгьди чӀугвада агь... Е. Э. Назани. 3) чан. Руьгь авачиз, гьам дириди Вун я хьи,. Яб авачиз, ван жериди вун я хьи. Е. Э. Вун я хьи. Къуьнел алаз къалуз дегьре, Тунач чи руьгь, раван, наиб. Е. Э. Наиб Гьасаназ.
* руьгь аватун гл., нин садлагьана гзаф кичӀе хьун. Яргъай хьиз, гъиле са вагърамни аваз гачал къвезвайди акурла, фекьидин руьгь аватна - ам, кьулухь элкъвез килигиз, катиз башламишна. Ф. Савдагардин папанни фекьидин кьиса. ЦӀицӀалидин руьгь аватна, адаз вуч рекьидай чӀал чир хьана. Ф. ЦӀицӀали.
* руьгь кутун гл., ни-куь ник ашкъи кутун. Руьгь кутадай къуват тир Советрин патриотвили СтӀал Сулейманан творчество гзаф виниз дережадиз хкажна. З. Э. ЧӀехи шаир.
* руьгь фин гл., нин кичӀе хьун. - гьакӀ лагь ман, кьейди. Заз чӀехи гьамбар лагьайди хьиз хьана, руьгь фенай хьи... А. Ф. Бубадин веси. Беябур хьайиди хьиз, руьгь фенваз кьерех хьана, чинин рангар атӀана Велиметаз килигиз ама. М. В. Гьарасатдин майдандал.
* руьгь хкаж хьун гл. са кар ийиз гьиссер артух хьун. Синонимар: ашкъилу хьун, шавкьлу хьун.
* руьгь хкажун гл., ни-куь нин-куьн ашкъи хкажун. - Ам маса ихтилат я, - бадедин ван дегиш хъхьана. Адан ванци гила зи руьгь хкажзавай. М. В. Гьарасатдин майдандал. Синонимар: ашкъилу авун, руьгьламишун, шавкьлу авун.
* руьгь цаварал рахкурун шиир, гл. рекьин. Язух ша ваз, руьгь рахкурмир цаварал... Е. Э. Зун атана.
* руьгьдай аватун гл., вуж са кар-кӀвалах ийидай кӀанивал амукь тавун. Халкь руьгьдай ават тавун патал чи жегьилри саки гьар юкъуз хуьруьн клубда шад межлисар тешкилзавай, халкьдив фронтдикай гьакъикъи хабарар агакьарзавай, душмандал чун гъалиб жедайдахь инанмишарзавай. ЛГ, 2003, 25. XӀӀ. Гъуьл амач лагьана, Ламунат диде руьгьдай аватнач. Ада, югъ-йиф талгьана, зегьмет чӀугуна. Р. Исаев. Хуьруьн тӀвар вине кьуна....
* руьгьдиз гайи зиян сущ. сада къастуналди масадан рикӀ тӀар жедай кар авуникди адан сагъламвилиз жезвай зиян. Судьяди фитнекардиз еке жерме илитӀдайла ( руьгьдиз гай зияндай ), ада вичин тахсирар вири хиве кьуна... ЛГ, 2005, 19. V.