сущ.; -или, -иле; -илер, -илери, -илера гзафбур сад хьтин фикиррал алай гьал. Фялейри яб ганачир А байкъушрин сесериз, Вагьши пехъи кицӀериз Чпин садвал къалурна. Х. Т. Дагьустандин баркаллу рухваяр. Садвал кӀани и четин тир береда Шарвилидин невеяр я лезгияр. С. Шарвилидин невеяр. Чи республикадин халкьарин арада чнани жуваз лайихлу чка кьун патал чаз чи садвилелай гъейри маса гьич са рехъни авайди туш. ЛГ, 2003, 4. ХӀӀ. 2) ( кавычкайра ва чӀехи гьарфуналди ) милли гьерекатдин тӀвар: " Садвал ". Заз и ксариз тикрарна лугьуз кӀанзава: Эй бейниванар, вири дуьнья уях хьанва, бес куьн мус уях жеда? «Садвилиз» садни чара ийидай, пайи-паяр ийидай ниятар авач. «Садвал» хайи лезги халкь сад ийиз алахънава. М. М. Кьибле пата гурзава.... "Дагъустан-Азербайжан" твар алай обществоди тухузвай мярекатар анжах азербайжанвийриз талукь я; "Лезги газет" Азербайжанда кхьин къадагъа я. Лезги театрни аниз ахъайзавач... Вучиз? Вучиз лагьайтӀа «Садвал» гьерекат амач, Милли советни кватӀ хъжезмач. Депутатрини сиве яд кьунва. Гь. Къ. Шарвилияр хьурай бул.