фарс, сущ.; текв. кь., ди, -да басма. Ктаб чапдиз гъазурдайла, ам кӀелай ва адак квай бязи нукьсанар къалурай. Гь. А. Гъамзатоваз чухсагъул лугьузва за. Гь. Гь. Гашаров. Сифте гаф.
* чап авун гл., ни вуч басма авун. Ам чап авун патахьай ктабханадихь галаз икьрарни хьанва. А. А. Пад хьайи рагъ. Тагьир Платовичаз мукьвара журналдиз акъатай, амма вич райондин газетда авайвал чап тавур «ТупӀал алверчи» макъаладикай хабар авачир. Т. А. Мехъер куьтягь тахьанмаз. Синоним: чапдай акъудун.
* чапдай акъатун гл., вуч басма авунвай гьалдиз атун. Абуру, - чун са гьинай ятӀани атанвайбур я, - лугьузва. Гьа ихьтин фикирар эхиримжи вахтара чапдай акъатнавай са бязи партийный материалрани ава. М. М. Лацу лекеяр. 60 лагьай йисара Бакуда лезги чӀалал ктабар чапдай акъатиз башламишна. М. М. Чаз къагьриманар кӀанда. Алатай йисан эхирра "Кьадардал гьалтайла тӀимил халкьар хуьнин гьакъиндай сергьятра авай конвенция" Бакуда лезги чӀалалди чапдай акъатна.... "Самур" газ., 2005, 25. ӀӀ.
* чапдай акъудун гл., вуч, ни кьилдин ктаб яз ва я маса чешмейра басма авун.... шаирдин эсерар мукьвал-мукьвал чапдай акъудзава, вахт-вахтунда юбилейдин мярекатар тухузва, Д. Джамалов. Лезги литература. Учебник. VӀӀӀ кл. Пул гузва лугьуз, типографийри ( абурун кьадарни гила гзаф хьанва ) вуч хьайитӀани акъудун дуьз туш. X. Кьасумов. Ихьтин "поэтар" гзаф хьайила... Синоним: чап авун.