прил. гьяркьуьвал тайин кьадардилай тӀимил авай. Адал [Е. Эминал. - А. Г.] кӀукӀ шуькӀуь къармукь хъицикьдин бапӀах жедай. Амай партални гьа замандин деб тир валчагъ-чухвани башмакьар тир... Н. А. Етим Эмин. Гьасятда са туп жигъир хьтин шуькӀуь рекьяй къвезвай лезгийрал туькӀуьрна. М. М. Пачагьдик къалабулух кутур женг. Хелеф халу винелди хкаж жезвай шуькӀуь жигъирда гьахьна. А. Къ. Нехирбанни лекь. ШуькӀуь, шемер хьтин лацу тупӀар, ярни къиб кужумнавай ичинин къваларив акьван хъуьтуьлдаказ, успагьивилелди агат хьанва хьи, гьатта абурал Велиметан темягь физва. М. В. Антонимар: яцӀу, гьяркьуь.
* шуькӀуь авун гл., ни вуч яцӀувал тайин кьадардилай тӀимил авай гьалдиз гъун. Ихтияр къачун тийиз эцигзавай кӀвалери шегьердин куьчеяр, инсанар къекъведай рекьер шуькӀуь ийизва. Р.
* шуькӀуь сесер сущ. вилик жергедин [и, э, уь, аь] сесер. Классдай гьерекат акатай аялрин къармакъалрин ванер ва рушарин шуькӀуь сесер къвезвай. А. А. Умуд.
* шуькӀуь хьун гл., вуч яцӀувал тайин кьадардилай тӀимил авай гьалдиз атун. Эхирни рад хьиз шуькӀуь хьанвай вичин беден кча къецелди акъудна. А. Исм., Эхиримжи къув. Амма гьикӀ ятӀани хатадай гафунин кьатӀ туькьуьн хьана, генани шуькӀуь хьанвай яхун ченедин кьилик зурзун акатнаваз, амай-амачир кьве кӀир экъисна, ам сивни ахъа яз гьакӀ амукьдай. М. В. Гьарасатдин майдандал.