Lüğətlərdə axtarış.

Vertriyö (fr. Vertrieu) — Fransada kommuna, Rona-Alplar regionunda yerləşir. Departament — İzer. Kremyo kantonuna daxildir. Kommunanın dairəsi — La-Tur-dyu-Pen. INSEE kodu — 38539. Kommunanın 1999-cu il üçün əhalisi 469 nəfər təşkil edirdi. Kommuna dəniz səviyyəsindən 196 ilə 360 qədər metr yüksəklikdə yerləşir. Kommuna Parisdən təxminən 410 km cənub-şərqdə, Liondan 45 km cənubda, Qrenobldan 85 km şimal-qərbdə yerləşir.

Ventriloq — Ağzını tərpətmədən kuklaların danışdığını nümayiş etdirən aktyorlar məhz belə adlandırılır. Məşqin çətinliklərindən biri də odur ki, dodaq səsləri (B, R, M) və sürtünmə səsləri (F, V) artikulyasiya edilə bilməz. Bu iş üzün, dilin və səs tellərinin əzələlərini mənimsəmək üçün təlim tələb edir. Bu, həm də koordinasiya işini tələb edir, çünki aktyor səhnədə öz mövqeyini qoruyarkən kuklanın canlı olması illüziyasını yaratmalıdır.

Söyüd (lat. Salix) — bitkilər aləminin malpigiyaçiçəklilər dəstəsinin söyüdkimilər fəsiləsinə aid bitki cinsi. Söyüd qışda yarpağını tökən, iri ölçülü ağac və ya xırda kol şəklində olan bitkidir. Yarpaqları uzunsov lansetvaridir, damarlanması lələkvaridir, saplağı qısadır. Çiçək sırğaları sallaq və ya dikdayanandır. Yarpaqlamadan əvvəl və ya sonra, yaxud yarpaqlama vaxtı çiçəkləyirlər. Nektarlı bitkilərdir. Cinsin yer kürəsində 600-dən artıq növü məlumdur. Qafqazda təqribən 25 növü, Azərbaycanda isə 15 növü bitir. Çox qədim cinsdir və onun qazıntı halında tapılmış nümunələri üçüncü dövrə aiddir.

Klaudiyu Adrian Mihay Petrila (rum. Claudiu Adrian Mihai Petrila; 7 noyabr 2000) — Rumıniya futbolçusu, futbol üzrə Rumıniya çempionatında çıxış edən "ÇFR Kluj"un yarımmüdafiəçisi. == Oyun tərzi == Petrila hər iki cinahda hücumameyilli yarımmüdafiəçi və ya vinger kimi çıxış edə bilər. O, tempi və driblinq bacarığı ilə tanınır.

Vertigo — Birləşmiş Krallıq müğənnisi Griff(en)-in debüt studiya albomu. 12 iyul 2024-cü ildə Warner Records tərəfindən buraxılıb.

Vertigo Entertainment — 2001-ci ildə Roy Li və Duq Devison tərəfindən təsis edilmiş, mərkəzi Los-Ancelesdə yerləşən Amerikanın film və televiziya istehsalı şirkətidir. == Tarixi == 2001-ci ildə BenderSpink-dən ayrıldıqdan sonra Roy Li şəriki Duq Devison ilə bərabər Vertigo Entertainment şirkətini yaratmışdır. Vertigo Entertainment əvvəlcə Dimension Films ilə üç illik müddətində bədii filmlərin istehsalı ilə bağlı müqavilə imzalamışdır. 2004-cü ildə şirkət Universal Pictures ilə il ərzində çox sayda filmlərin istehsalı ilə bağlı müqavilə imzalamışdır. Müqavilə daha sonra 2008-ci ildə baş vermiş Amerika Yazıçılar Gildiyasının tətili zamanı ləğv edilmişdir. 2007-ci ildə studiya televiziyalar üçün şoular hazırlamaq məqsədi ilə Lionsgate Television ilə müqavilə imzalamışdır. 2010-cu ildə Vertigo Warner Bros ilə film istehsalı üçün ilk müqaviləsini bağlamışdır. 2013-cü ilin mart ayında Vertigo kabel televiziyası üçün layihələr hazırlamaq məqsədi ilə Fox 21 ilə iki illik müqavilə imzalamışdır. 2015-ci ilin dekabr ayında Vertigo Warner Bros ilə tərəfdaşlığını genişləndirmişdir. Bu əməkdaşlığın genişləndirilməsinə dram və komediya serialları üçün imzalanmış iki illik eksklüziv müqavilə daxil idi.

Veriko İvlianovna Ancaparidze (23 sentyabr (5 oktyabr) 1897, Kutaisi, Rusiya imperiyası – 31 yanvar 1987, Tbilisi) — Aktrisa Veriko İvlianovna Ancaparidze 6 oktyabr, 1900-cü ildə Kutaisidə (Gürcüstan) anadan olmuşdur. 1916–1917-ci illərdə S. V. Aydarovun Moskva dram studiyasında və Q. Cabadarinin Tiflisdəki studiyalarında təhsil almışdır. 31 yanvar, 1987-ci ildə Tbilisidə vəfat etmişdir. 1918–1921-ci illərdə Ş. Rustaveli adına teatrın aktrisası, 1921-ci ildən isə K. A. Marcanişvilinin rəhbərliyi altında olan dram teatrının aktrisası olmuşdur. 1933-cü ildən N. P. Oxlopkovun rəhbərliyi altında Moskva real teatrında işləmişdir. K. A. Marcanişvili adına teatrın bədii rəhbəri, Ş. Rustaveli adına Tbilisi teatr institutunun pedaqoqu olmuşdur. 1992-ci ildə "Who is Who" (London) ensiklopediyası redaksiya heyətinin qərarına əsasən V. Ancaparidze XX əsrin 10 ən yaxşı aktrisası sırasına daxil edilmişdir. Kinoda 1923-cü ildən fəaliyyət göstərmişdir. SSRİ Xalq Artisti (1950) SSRİ Dövlət Mükafatı (1943, 1946, 1952) "Lenin Ordeni" Gürcüstan Dövlət Mükafatı (1975, 1979) Sosialist Əməyi Qəhrəmanı (1979) 26 komissar (film, 1932) (tammetrajlı bədii film) (rol: fəhlə arvadı) Onu bağışlamaq olarmı? (film, 1959) (tammetrajlı bədii film) (rol: ana) Qəm yemə!

Purpur söyüd (lat. Salix purpurea) — bitkilər aləminin malpigiyaçiçəklilər dəstəsinin söyüdkimilər fəsiləsinin söyüd cinsinə aid bitki növü. İlk dəfə Cənubi Avropadan təsvir edilib. Skandinaviya, Atlantik və Orta Avropada, Aralıq dənizyani ölkələrində, Şimali Afrikada, Yaponiyada, Çində yayılmışdır. Hündürlüyü 2–3 m olan koldur. Budaqları nazik, zərif, elastik, çoх vaхt qırmızıtəhərdir. Qabığı üst tərəfdən tünd qırmızıdır, bəzən üzərində göyümtül toz ləkəsi olur, qabığının iç tərəfi limonaoхşar sarıdır. Yarpaqları qısa saplaqlı, növbəli düzülüşlü, uzunluğu 3–6 sm, eni 1–1,5 sm, ensiz tərsinə yumurtavari və ya tərsinə neştərvari, yanları bütöv və ya qabaq tərəfdən narın sivri mişardişlidir. Cavan yarpaqları tüklüdür, sonralar çılpaqlaşır, üst tərəfdən göyümtül-yaşıl və ya bozumtul-yaşıldır. Yarpaqaltlıqları хətvari-neştərşəkilli olub, erkən töküləndir.