Vladimira Uboreviç
Vladimira (Mira) İeronimovna Uboreviç (rus. Владимира (Mira) Иеронимовна Уборевич; 14 fevral 1924, Çita, RSFSR[d] – 21 fevral 2020, Moskva) — Ordu komandanı İeronim Uboreviçin qızı, memar. O, Moskvanın “Vremya” nəşriyyatında çap olunmuş “Yelena Sergeyevna Bulqakovaya 14 məktub” kitabının müəllifidir.
Vladimira Uboreviç 1924-cü il fevralın 14-də Çitada anadan olub.
Atası - Ordu Komandanı İeronim Petroviç Uboreviç, 1937-ci ildə Mixail Tuxaçevski, İona Yakir və Avqust Kork ilə birlikdə "Qırmızı Orduda hərbi-faşist sui-qəsdi" iddiası əsasında qondarma ittihamlar verilməklə güllələnib. Ona 1957-ci ildə bəraət verilib.
Anası - Nina Vladimirovna Uboreviç, "Vətənə xain ailəsinin üzvü" kimi həbs edilərək 1941-ci ildə "antisovet təşviqatına" görə güllələnib. Ona da 1957-ci ildə bəraət verilib.
1930-cu ildə Uboreviç ailəsi Moskvaya köçərək müvəqqəti olaraq Kremldə atasının dostu Anastas Mikoyanın mənzilində yaşayıb. Moskvada yaşayan zaman ailə digər hərbçi ailələri ilə sıx əlaqə saxlayırlar.