Lüğətlərdə axtarış.

Lyubomir Vraçareviç (serbcə: Љубомир Врачаревић) — XX əsrin 60-cı illərinin sonundan Avropada aykido ilə məşğul olmağa başlayan ilk idmançılardan biri, 1971-ci ildən 1-ci DAN qara kəmər ustası. == Həyatı == 1978-ci ildə Yaponiyada ilk məşqlər zamanı o, Hombu docoda, 10 DAN ustad Kişumaru Ueşiba, aykidonun banisi Morihey Ueşibanın oğlu ilə qalırdı. Yapon ustadlarının bilik və bacarıqlarından faydalanaraq Lyubomir öz mentaliteti, adət-ənənələrinə və quruculuğa əsaslanan öz xüsusi üsuluna doğru can atırdı. 70-ci illərdə onun hərbi və polisdəki fəaliyyəti onu aykidonun təcrübi aspektini təkmilləşdirməyə səbəb oldu. Bu yolla o, effektli texnikalarını real şəraitlərdə təkmilləşdirməyə başlayır. 1993-cü ildə Tokioda məşhur Yoşinkan (ustad Qozo Şiyoda - 10 DAN) məktəbində ikinci dəfə qalması onun fikrini tamamilə təsdiqlədi. Onun öz üsulunda işləməsinə baxmayaraq, o qaldığı müddətin sonunda böyük şöhrət qazanmışdı. O, məşhur Şiyodayla görüşmək imkanına sahib oldu, hansı ki, yaşına görə çox nadir hallarda kimisə qəbul edirdi. Şiyoda onu özü şəxsən imzalanmış diplomla təltif etdi və onun yaratdığı döyüş növünü təsdiqlədi. Vraçareviç beynəlxalq "Ustad" adına xüsusi proqramlar (polis, hərbi işçilər, cangüdənlər üçün proqram) tərtib etdiyinə görə layiq görülmüşdür.

Lyubomir İvanoviç (24 fevral 1882, Belqrad – 23 noyabr 1945, Belqrad) — Serb rəssamı və Serbiya Kral Akademiyasının üzvü. İlk serb impressionistlərindən biri hesab olunur. == Bioqrafiya == Lyubomir İvanoviç Serb Rəsm Məktəbində, daha sonra Belqradda Beta Vukanoviç və Risto Vukanoviçin İncəsənət və Sənətkarlıq Məktəbində oxuyub (1899-1905). Gənc rəssam ilk dəfə əsərlərini 1904-cü ildə ilk Yuqoslaviya rəsm sərgisində nümayiş etdirib. 1905-ci ildə Münhenə gedir və Anton Azbenin özəl rəssamlıq məktəbinə və Akademiyaya daxil olur (1905-1909). Təhsilini başa vurduqdan sonra Lyubomir İvanoviç vətənə qayıdır və gimnaziyada müəllim işləyir. Birinci Dünya Müharibəsi illərində İvanoviç xəstəxanada tibb köməkçisi idi. Bu dövrdə o, bir-iki əsər yaratmağa müvəffəq olur: 1915-ci ildə geri çəkilən ordunun anını əks etdirən “Uçuş” və “Düşmüş Əsgər” adlı rəsm. Müharibədən sonra Lyubomir İvanoviç Belqraddakı İncəsənət və Sənətkarlıq Məktəbində rəsm professoru olur. Belqradda Rəssamlar Assosiasiyasının yaradıcılarından biri (1919) və "Lada" bədii birliyinin üzvü olmuşdur.