FİLİASİYA
(fransız filiation, latın filialis-oğluna məxsus)
vətəndaşlıq hüququna görə anadan olma ilə vətəndaşlığın əldə edilməsi. Belə halda, vətəndaşlıq “qan hüququna” (valideynlərin qanı ilə gələn vətəndaşlıq) və ya “yer hüququna” (vətəndaşlığın doğulduğu yer ilə əldə edilməsi) görə verilir. Birinci halda uşaq anadan olduğu yerdən asılı olmayaraq vətəndaşlıq alır, ikinci halda isə ata-ananın vətəndaşlığından asılı olmayaraq, o hansı dövlətin ərazisində doğulubsa, həmin dövlətin də vətəndaşı olur. Bununla yanaşı, bəzi hallarda (əksər hallarda) vətndaşlıq-atanın vətəndaşlığı ilə gəlir, digər hallarda isə (misal: İsrail, Hindistan) – ananın vətəndaşlığı ilə gəlir. Dövlətlər F. məsələsini xüsusi razılaşmalar ilə tənzimləyir, F. məsələsini öz aralarında tənzimləməyən dövlətlərdə isə “ikili vətəndaşlıq” əmələ gələ bilər və bu da, öz növbəsində dövlətlər üçün müəyyən problemlər yaradır.
