Fingal mağarası
Finqal mağarası (ing. Fingal’s Cave) — Məskunlaşma olmayan Staff adasında, dəniz dalğalarının abraziyası nəticəsində meydana gələn mağara. Ada Daxili Hebrid adaları qrupuna daxildir. Mağara həm Şotlandiya Milli qoruğunun ərazisində yerləşir və həm də Şotlandiya Milli Fonduna daxildir.
Finqal mağarası adanın cənubunda, dəniz sahilində yerləşir. Ərazi lava axınları zamanı formalaşan bazalt sütunlarından təşkil olunub. Xarici görünş baxımdan o Şimali İrlandiyada olan Nəhənglərin döşəməsini xatırladır. Ada bütünlüklə bazalt sütunlarından təşkil olunduğundan Staffa adıda sütun-ada mənası verir. Mağara altıbucaqlı, hündürlüyü 11 metrə çatan bazalt sütunlarından təşkil olunub. Girişi yetərincə böyük olub, tağ formasındadır.
Fingə
Fingə — Azərbaycan Respublikasının Laçın rayonu Qozlu kənd inzibati ərazi dairəsində kənd. Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Laçın rayonunun Təzəkənd kənd Sovetindən Fingə kəndi Qozlu kənd Sovetinin tərkibinə verilmişdir. 1992-ci ildə Ermənistan Respublikası Silahlı Qüvvələri tərəfindən işğal edilib. 2020-ci ildə İkinci Qarabağ müharibəsi sonunda imzalanmış atəşkəs bəyanatına əsasən 1 dekabr 2020-ci ildə Azərbaycan Respublikası Silahlı Qüvvələri tərəfindən işğaldan azad olunub.
XIX əsrdə Fingə dağ və qışlaq adları kimi qeydə alınmışdır. Kənd eyniadlı dağın ətəyində olduğu üçün belə adlandırılmışdır.
Kənd dağətəyi ərazidə yerləşir.
2006-cı ilin statistikasına görə kəndin əhali sayı 570 nəfər olmuşdur.
Kənd əhalisinin əsas məşğuliyyəti heyvandarlıq olub.
Five Finger Death Punch
Five Finger Death Punch — ABŞ metal qrupu. Qrup 2005-ci ildə Zoltan Bathori və Jeremi Spenser tərəfindən quruldu. 2006-cı ildə isə basçı Matt Snell və vokalist İvan Moody qrupa qatıldı. Qrupun qısa adı (FFDP vəya 5FDP) deyə adlandırılır. Qrupun ilk debüt "The Way of the Fist" adlı albomları 2007-ci ildə bıraxıldı. FFDP daha sonra Korn,Chimaira, All That Remains və Disturbed qrupları ilə birgə konsertlərə qatıldı.
Fingolimod
Gilenya markası altında satılan Fingolimod, əsasən dağınıq sklerozun (MS) müalicəsində istifadə edilən immunomodulyator dərmandır.
Fingolimod,limfa düyünlərində limfositləri sekvestr edərək, onların otoimmün reaksiyaya töhfə verməsinin qarşısını alan sfinqozin-1-fosfat reseptor modulatorudur. İki il ərzində residiv-remissiya edən dağınıq sklerozda residivlərin nisbətini təxminən yarım dəfə azaltdığı bildirildi.
Finqolimod dağınıq sklerozun residiv formasının müalicəsində istifadə olunur. Birincili mütərəqqi MS olanlarda onun təsiri aydın deyil.O, həmçinin xroniki iltihablı demiyelinləşdirici polineyropatiyada istifadə edilə bilər.
Fingolimodun ən çox görülən yan təsirləri soyuqdəymə,baş ağrısı, qamma-qlutamil transferinin artması (≤15%),ishal (13%),ürəkbulanma(13%),qarın ağrısı (11%) və yorğunluq. Təsdiqlənmiş MS dərmanı olan natalizumab (Tysabri) qəbul edən xəstələrdə də bildirilmiş bir neçə dəri xərçəngi hadisəsi bildirilmişdir. Fingolimod həmçinin potensial ölümcül infeksiyalar, bradikardiya və 2009-cu ildə qanaxma ilə müşayiət olunan beyin iltihabı olan fokal ensefalit hadisəsi ilə əlaqələndirildi və İki nəfər dünyasını dəyişdi: Bir nəfər beyin herpes infeksiyasından, ikincisi isə herpes zoster səbəbiylə. Hadisələrə narkotikin cavabdeh olub-olmadığı bəlli deyil. 2015-ci ilə kimi ən azı üç mütərəqqi multifokal leykoensefalopatiya hadisəsi qeydə alındı.
