FİTNƏKAR (fitnə törədən) Ağcaqum çöllərində fitnəkar ingilislər; İnsan qanını soran canavar ingilislər... (S.Rüstəm); ARAQARIŞDIRAN, PROVOKATOR “Provokator” – “araqarışdıran", “xuliqan” – “yaxşını pis qələmə verən” mənasına tərcümə etsəniz “provokatorlar", “Xuliqanlar” yəqin ki, mütərcimlərdən şikayət edərlər, böylə “gözəl” sifətlərdən onları məhrum etmək insafdan kənardır, zənn ediriz (N.Nərimanov); FASİQ Derlərsə əgər işbu səbəbdən mənə fasiq; Pək müftəxirəm mən də bu ali ləqəb ilə! (M.Ə.Sabir); FƏSADÇI [Baş nazir şaha:] Fəsadçıların başında duran yalnız Süleyman Mirzə deyil (A.Makulu); FİTNƏÇİ ...Fitnəçi gözünü aynaya açıb baxırdı (M.S.Ordubadi); İBLİS (məc.) Yer üzündə nə xəyanət, nə də iblis qalacaqdır (S.Vurğun); MÜFƏTTİN (arx.) Mühərrirlər, müfəttinlər usanmazlar, utanmazlar; Yazarlar hərzələr, əfsanələr, hədyanlar, insanlar! (M.Ə.Sabir); ŞEYTAN (məc.) Şeytana rast gəlməsən nə var ki (H.Nəzərli); İĞTİŞAŞÇI, İNTRİQAÇI, İNTRİQAN.
Fitnəkarlıq
Fitnə
Fitnənin lüğətdə mənası, qarışıqlarının çıxarılması və xalisləşdirilməsi üçün qızılın közərdilməsi deməkdir.
Fitnə sözü bir nəfər və ya bir cəmiyyətdən asayiş və əmin-amanlığın alınması, iki və ya daha çox insanı bir-birinin canına salıb ikitirəlik yaratmaq, həmçinin xalqa əziyyət və işgəncə vermək deməkdir.
== Fitnənin növləri ==
Qurani-Kərimdə müşriklərin törətdiyi fitnənin qətl törətməkdən də ağır günah olduğu qeyd olunur və bu fitnə aradan qalxanacan onlarla vuruşma tövsiyə edilir: "Fitnə (müşriklərin fitnəsi) qətldən daha şiddətlidir. Əgər onlar (vuruşdan və Allaha şərik qoşmaqdan) vaz keçərlərsə, şübhəsiz, Allah bağışlayandır, rəhm edəndir!. Fitnə (müşriklərin fitnəsi) aradan qalxana qədər və din (ibadət) ancaq Allaha məxsus edilənədək onlarla vuruşun; əgər onlar (bu cür hərəkətlərə) son qoyarlarsa (siz də onlarla vuruşmaqdan vaz keçin!), çünki düşmənçilik ancaq zülm edənlərə qarşı olur."
"Bilin ki, mal-dövlətiniz və övladınız sizin üçun ancaq bir imtahandır. Böyük mükafat isə Allah yanındadır."
Peyğəmbəri (s): "Üç şey fitnə törədər: gözəl saç, gözəl surət və gözəl səs."
Əli ibn Əbu Talib: "Fitnə üç şeydədir: qadın düşkünü olmaq – bu şeytanın qılıncıdır, şərab içmək – bu şeytanın tələsidir və dirhəmə, dinara məhəbbət – bu isə şeytanın oxudur. Kim qadın düşkünü olsa, ömrünün faydasını görməz, kim şərab düşkünü olsa, cənnət ona haram olar. Kim dinar və dirhəmə məhəbbət bəsləsə, dünyanın nökəri olar."
Fitnəkarlıq növlərindən biri də zalim hakimlər üçün casusluq etməkdir. Bunun böyük günah sayılıb bir çox ziyan və fəsadlarının adam öldürməkdən böyük olması isə çox aydın bir məsələdir. Çünki bir fitnəkar cəsusun çoxlu qətl və cinayətlərə səbəb olması mümkündür.