1. GÖYƏRTİ (bitkilər, yaşıllıq, ot, ağaclar, yarpaqlar) Hansı şeydir dəyişməyib dünyada; Göyərti də, heyvanat da, hava da (A.Səhhət); GÖY-GÖYƏRTİ Heyətlərdə ağac-uğac, göy-göyərti nədir, içməyə su da yoxdur (M.Rzaquluzadə).
2. GÖYƏRTİ (yeyilən və xörəyə işlənən otlar) Əzizə mizin üstünü yığışdırdı, göyərti, çörək... tavada toyuq çığırtması gətirdi (H.Abbaszadə); GÖY-GÖYƏRTİ Firəngiz göy-göyərti, toyuq ətini iştahla yedi (B.Bayramov); SƏBZİ Yemək yenə də düyü, ət, toyuq, yumurta və səbzilərdən bişirilmiş Təbriz xörəkləri idi (M.S.Ordubadi); SƏBZİYYAT Yolun bir tərəfində müsəlmanlar, səbziyyat əkirdilər (Ə.Haqverdiyev); GÖY (dan.).