İRİQANAD

İriqanad və ya uçan tülkü (lat. Pteropus) — Yarasalar dəstəsinə aid məməli heyvan cinsi. İri olurlar, quyruqları yoxdur.Bəzilərinin qanadları açılmış halda 1.4 m-dək olur.Dəstə ilə uçurlar.Burnu sivri, qulaqları xırdadır.Başı it, yaxud tülkü başına oxşayır. Cənubi və Cənub-Şərqi Asiyada, Yeni Qvineyada, Avstraliyada yayılmışdır. Əti yeməlidir.

İriqanadlar (lat. Pteropodidae) — heyvanlar aləminin xordalılar tipinin məməlilər sinfinin yarasalar dəstəsinə aid heyvan fəsiləsi. Bu yarımdəstəyə yeğanə iriqanadkimilər (Pteropidae) fəsiləsi daxildir. Fəsilənin Pteropus və Rousettus cinslərini, bəzən isə bütün nümayəndələrini uçan itlər adlandırırlar. Yarasalardan fərqli olaraq, iriqanadlar böyük ölçülərə malik olurlar. Onların bədənləri 42 sm, qanadlarının ölçüləri 1,7 m-ə (iriqanad) çatır. Buna baxmayaraq, bədənləri 5-6 sm, qanadlarının uzunluğu 24 sm-ə çatan kiçik ölçülü növləri də var. Kütlələri 15-900 q arasında dəyişir. Quyruqları qısa, inkişaf etməmiş olur, yaxud, ümumiyyətlə olmur. Ancaq uzunquyruq iriqanadda (Notopteris) quyruğu nisbətən uzun olur.

İriqanadlılar (lat. Megaloptera) — heyvanlar aləminin buğumayaqlılar tipinin həşəratlar sinfinə aid heyvan dəstəsi. == Ümumi məlumat == Başı proqnatik, iridir. Ağız orqanları gəmirici tipdədir, bəzən xortumcuq şəklində dartılmışdır. Bığcıqları uzun, qılşəkillidir. Gözləri iridir. Hər iki cüt qanadı ölçüsünə görə oxşardır, uzununa və eninə damarlardan sıx şəbəkəsi vardır, xırda, boz-qəhvəyi tükcüklərlə örtülmüşdür. Sakit halda qanadlarını belində çataqlayır. Ön qanadların açılışı müxtəlif növlərdə 18 mm-dən 180 mm-ə qədər dəyişir. Önkürəyi böyük və enlidir, qarıncığı slindirik, 9 buğumludur, erkəyin qarıncığında serklər və cinsiyyət əlavələri vardır.