Memfis (Tennessi)
Memfis (ing. Memphis) — Amerikanın cənub-şərqindəki Tennessi ştatında yerləşən şəhər.
Memfis şəhərinin şəhər sərhədləri içindəki əhalisi 655,155 nəfər olub. Amerikanın 20-ci, Tennessi ştatının ən böyük şəhəridir.
Noksvill (Tennessi)
Noksvill (ing. Knoxville) — ABŞ-nin cənubunda, Tennessi ştatında şəhər. Tennessi çayı üzərində yerləşən port şəhəri nəqliyyat qovşağı rolunu daşıyır. Noksvilldə elektrometallurgiya, maşınqayırma, metal emalı, toxuculuq, tikiş, mebel, kimya sənayesi müəssisələri var. 1 iyul 2019-cu ildə əldə edilən məlumatlara əsasən, şəhərin əhalisi 187,603 nəfərdir.
Tennen dağları
Tennen (alm. Tennengebirge) - Avstriyada çox da böyük olmayan dağ silsiləsi. Silsilə Şimali Əhəngdaşlı Alplara aiddir. Yetərincə çox parçalanmış bu silsilə Şərqi Alplarla həmsərhəddir. Sahəsi 60 km² olan bu silsilədə karst prosesləri çox yüksəkdir. Bölgədə müxtəlif karst mağaralarına rast gəlinir. Silsilə ölkənin Zalsburq ştatındadır. Silsilənin 37 km²-lik hissəsi dəniz səviyyəsindən 2000 metr yüksəkdə yerləşir. Zalsburq yaxınlığında olan hissəində 1982-ci ildə təbiət qoruğu yaradılmışdır.
Tennen silsiləsinin ən hündür zirvəsi Rauçekdir (2430 m).
Tennessin
Tennessin (lat. Tenissinium, Ts) – D. İ. Mendeleyevin elementlərin dövri sistemində117-ci element. Dövri sistemin yeddinci perioduna və 17-ci qrupuna daxildir.
Elementin iki məlum izotopundan ən davamlısı olan 294Uus-un yarımparçalanma dövrü 78 millisaniyədir. Formal olaraq halogenlərə aid edilsə də, kimyəvi xüsusiyyətləri hələ tədqiq edilməmişdir.
Ununseptium sözü latın mənşəli sözlərdən ibarətdir və hərfən "bir-bir-yeddinci" deməkdir (latınca 117-ci başqa cür yazılır: centesimus septimus decimus). Bu ad müvəqqəti idi və elementin kəşfi başqa tədqiqatçılar tərəfindən təsdiq edildikdən sonra bu ad, çox güman ki, dəyişdiriləcəkdi. Kimyəvi elementə rəsmi ad İUPAC (Nəzəri və tətbiqi kimya üzrə Beynəlxalq İttifaqın komissiyası) tərəfindən onun kəşfi təsdiqləndikdən və bu və ya digər elmi qrupun prioriteti müəyyən edildikdən sonra onun adı təsdiqləndi:Tenessinium.
Tenessin (ekaastat) 2009-cu ildə Dubnada (Rusiya) yerləşən Birləşmiş nüvə tədqiqatları institutunda əldə edilmişdir. 117-ci elementin sintezi üçün institutun nüvə reaksiyaları sürətləndiricisində (U 400) 97-ci elementdən (berklium 249) ibarət hədəfi kalsium-48-in ionları ilə bombalayırdılar.
