I UDMAQ Qoca hülqumunda düyünlənən iri bir tikəni udan kimi oldu (M.Hüseyn); HƏZM-RABEDƏN KEÇİRMƏK ..plovu, halvanı, küncələri həzm-rabedən keçirən dövlətlilər və mollalar idi (H.Sarabski).
II UDMAQ Amma cütlər, doğrudan da dalbadal gəlir, bəzən özündən xeyli geri qalmış yoldaşı yenə udurdu (M.Hüseyn); BASMAQ (güləşdə) ..o basdığı uşaqlar tamam çolma-çocuq idilər.. (M.F.Axundzadə); QALİB GƏLMƏK/ÇIXMAQ [Sevinc:] Bu mübarizədə qalib çıxmaq üçün gərək ağlın iti olsun, qolun da güclü (Z.Xəlil); QƏLƏBƏ ÇALMAQ/QAZANMAQ Dilarada ədalətin, haqqın qələbə çalacağına möhkəm bir etiqad vardı (M.İbrahimov); APARMAQ (məc.) Sərvinaz Firuzəyə: Çəkişmirəm, aparsam da verməyəcəksən.. (İ.Əfəndiyev); MƏĞLUB ETMƏK.