Dəymədağlı (Oğuz)
Dəymədağlı | |
---|---|
40°58′25″ şm. e. 47°38′16″ ş. u. | |
Ölkə | Azərbaycan |
Rayon | Oğuz |
Tarixi və coğrafiyası | |
Saat qurşağı | |
Dəymədağlı — Azərbaycan Respublikasının Oğuz rayonunun inzibati ərazi vahidində kənd.
Tarixi
Dəymədağlı Oğuz rayonunun Sincan inzibati ərazi vahidində kənd. Alazan-Əyriçay çökəkliyindədir. Keçmiş adı Dəymədağlı Molla Vəli olmuşdur. Yaşayış məntəqəsi Mollalı (əsl adı Mollavəli) kəndindən çıxmış dəymədağlı tayfasına mənsub ailələrin məskunlaşması nəticəsində yaranmışdır. Etnotoponimdir. Mənbələrdə bu etnonimin dəmyədağlı variantına da təsadüf olunur. Dəmyə (əkilməmış, xam, yüksək məhsuldarlıqlı) və dağlı (dağlıq ərazidə yaşayan) komponentlərdən ibarət olan bu etnonim "xam torpaqlı dağlıq ərazidə yaşayanlar" mənasındadır. Tədqiqatçılar bu sözü dəymə (dağ ətəyində mal-qaranın saxlandığı yer) və dağ komponentlərinin birləşməsi kimi qəbul edirlər[1].
Rayon mərkəzindən 30 km cənub-şərqdə, Sincan kəndinin şərqində yerləşir. Sincan inzibati Ərazi Dairəsinə daxildir. Dəymədağlı toponiminin maldarlıqla əlaqədar yarandığı güman edilir. Bərdə və Qax rayonlarında da eyni adlı kəndlər var. Türk dillərində “dəymə” (daima) - “heyvanın saxlanılması üçün yer” mənasındadır. “Dəymədağ” (lı)- “ətəyində heyvan saxlanılan yer (dəymə) olan dağ” deməkdir [2]. Kəndin əhalisi (308 nəfər) heyvandarlıq, əkinçilik, bağçılıq və tərəvəzçiliklə məşğul olur. Kənddə telefon var. Oğuz–Mollalı, Şəki-Qəbələ avtobus marşrutları kəndin yaxınlığından keçir.
İstinadlar
- ↑ ”Azərbaycan toponimlərinin ensiklopedik lüğəti”. İki cilddə. I cild. Bakı, “Şərq-Qərb”, 2007, səh. 232
- ↑ Nadir Məmmədov, ”Azərbaycanın yer adları”, Bakı, 1993, səh.93
Oğuz rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |