Dinarə Gimatova (18 noyabr 1986, Həştərxan) — Tatar əsilli Azərbaycanlı bədii gimnastdır. Dünya və Avropa Çempionatının bürünc medalçısıdır. Azərbaycanı 2008 Yay Olimpiya Oyunlarında təmsil etmişdir.
Dinarə Gimatova | |
---|---|
Şəxsi məlumatlar | |
Tam adı | Dinarə Nail qızı Gimatova |
Vətəndaşlığı | Azərbaycan |
Doğum tarixi | |
Doğum yeri | Həştərxan, RSFSR |
İdman növü | Bədii Gimnastika |
Boyu | 171 sm. |
Çəkisi | 53 kq[1] |
24 dekabr 2015 tarixində yenilənib. |
Dinarə Gimatova ilk uğurunu 2003-cü ildə Bakıda qazandı. O Gürzə ilə hərəkətlərində Dünya Kubokunun gümüş medalını qazandı. Çoxnövçülükdə və Top ilə hərəkətlərində isə Dünya Kubokunun bürünc medalına layiq görüldü. Dinarə Gimatova Dünya Kubokundan sonra növbəti uğurununu 4 il gözləməli olur. O 2007-ci ildə həm Dünya həmdə Avropa Çempionatında komanda yarışlarında bürünc medala sahib çıxır.
Dinarə Gimatovanın ən böyük yarışı isə 2008 Yay Olimpiya Oyunları olur. O Azərbaycanı Çin Xalq Respublikasının paytaxtında təmsil edir. Amma Dinarə Gimatova Təsnifat mərhələsini adlaya bilmir. O 66.525 xal toplayaraq 11-ci yeri tutur.
Dinarə Gimatova 2005-ci ildən 2008-ci ilə gədər Longines şirkətinin rəsmi elçisi olmuşdur.[2]
İdman karyerasını başa vurandan sonra Dinarə Gimatova bir müddət Aliyə Qarayevanın məşqçisi olur.
Dünya Kuboku - 2003 , 2003 , 2003 , 2004