Anastasiya Prasolova

Anastasiya Prasolova (19 oktyabr 1989, Bakı) — Azərbaycanı təmsil edən bədii gimnast və məşqçi.[1]

Anastasiya Prasolova
Şəxsi məlumatlar
Tam adı Anastasiya Prasolova
Vətəndaşlığı Azərbaycan Azərbaycan
Doğum tarixi 19 oktyabr 1989(1989-10-19) (35 yaş)
Doğum yeri
Boyu 166 sm.
Çəkisi 48 kq
İdman növü Bədii gimnastika
Medallar

Karyerası

[redaktə | mənbəni redaktə et]

Anastasiya Prasolovanın da olduğu Azərbaycan qrupu 2007-ci ildə Patras şəhərində (Yunanıstan) baş tutan Dünya Çempionatını onuncu pillədə başa vurdu və olimpiya lisenziyasına sahib oldu.

Anastasiya Prasolova Azərbaycanı 2008-ci ildə Çində baş tutan XXIX Yay Olimpiya Oyunlarında təmsil elədi. Alina Trepina, Anastasiya Prasolova, Anna Bitiyeva, Dina Qorina, Valeriya Yeqay və Vəfa Hüseynovada ibarət qrup beş iplə turnirdə 15.575 balla 8-ci pillədə qərarlaşdı.[2] Avqustun 22-də 3 halqa/2 gürzlə turnirdə çıxış edən qrup turniri 15.875 balla 7-ci pillədə başa vurdu.[2] Ümumi nəticədə isə Azərbaycan qrupu 31.450 balla 12 qrup sırasında 8-ci pillədə qərarlaşdı və olimpiadanın final mərhələsinə vəsiqə qazandı.[2] Final mərhələsində qrup əvvəl beş iplə turnirdə mübarizə apardı.[2] Nəticədə Azərbaycan gimnastları 16.075 balla turniri altıncı pillədə başa vurdu.[2] 3 halqa/2 gürzlə turnirdə Azərbaycan qrupu 15.500 balla turniri yeddinci pillədə başa vurdu.[2] Ümumi nəticədə isə Alina Trepina, Anastasiya Prasolova, Anna Bitiyeva, Dina Qorina, Valeriya Yeqay və Vəfa Hüseynovadan ibarət qrup Olimpiya Oyunlarında 31.575 balla yeddinci pillənin sahibi oldu.[2]

Azərbaycan Prezidenti İlham Əliyevin 29 iyun 2015-ci il tarixli 1303 nömrəli Sərəncamına əsasən Birinci Avropa Oyunlarında məşqçi olaraq qazandığı uğurlara və Azərbaycan idmanında xidmətlərinə görə Anastasiya Prasolova Azərbaycan Prezidentinin fəxri diplomu ilə təltif edildi.[3]

İstinadlar

[redaktə | mənbəni redaktə et]
  1. ↑ Olympedia.org. "Anastasiya PRASOLOVA". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 Olympedia.org. "2008 Summer Olympics / Rhythmic Gymnastics / Group / Women". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  3. ↑ Normativ hüquqi sənədlərin vahid internet bazası. "I Avropa Oyunlarında uğurla çıxış etmiş idmançıların məşqçilərinin "Azərbaycan Prezidentinin fəxri diplomu" ilə təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1303 nömrəli Sərəncamı". www.e-qanun.az (az.). 22.08.2022. 2022-05-28 tarixində arxivləşdirilib. İstifadə tarixi: 22.08.2022.