Plitviçka Gölləri Milli Parkı

Plitviçka Gölləri Milli Parkı — Xorvatiyanın ən böyük milli parkı. 16 göldən ibarətdir. UNESCO-nun Ümumdünya irsi siyahısına daxil edilmişdir.

Plitviçka Gölləri Milli Parkı
Nacionalni park Plitvička jezera
BTMB kateqoriyası — II (Milli park)
Sahəsi	296,85 km² 29.630,77 ha[1]
Yaradılma tarixi	8 aprel 1949
Ziyarətçi sayı	1.720.331 nəf. (2017)[2]
Yerləşməsi
44°52′49″ şm. e. 15°36′57″ ş. u.
Ölkə	Xorvatiya[1]
np-plitvicka-jezera.hr
Plitviçka Gölləri Milli Parkı
UNESCO Ümumdünya İrsi
Tipi	Təbii
Kriteriya	vii, viii, ix
Tarixi	1979 (3-sü sessiya)
İstinad nöm.	98
Vikianbarda əlaqəli mediafayllar

Plitviçka Gölləri Milli Parkı Cənub-Şərqi Avropanın ən qədim milli parkı və Xorvatiyanın ən böyük parkıdır. Bosniya və Herseqovina sərhədində yerləşən kalsium və əhəng daşından ibarət karst (aşınıma qarşı müqavimətsiz, əhəng daşı kimi asan əriyə bilən qayalardan ibarət olan ərazi) dağ bölgəsindəki park 1949-ci ildə milli park elan edilmişdir.

Göy,yaşıl,boz,mavi və s. rəngdə dəyişən fərqli rəngləri ilə möhtəşəm mənzərələr meydana gətirən 16 göldən meydana gəlmişdir. Göllər bir-birindən təbii su anbarları ilə ayrılmışdır. Sudakı mineral və orqanizmlərin sıxlıq fərqlərinə və günəş işığının gücünə bağlı olaraq göllərin rəngləri davamlı olaraq dəyişir. Parkın bəzi bölgələri 700 illik küknar meşələri ilə örtülüdür. Bölgənin fauna və florası çox müxtəlifdir.

1493-ci ildəki Osmanlı-Avstriya müharibəsi bu bölgəyə çox yaxın ərazilərdə baş vermiş, Osmanlı ordusu Xorvatiya və Macarıstan içlərinə qədər irəliləmişdir. 1527-ci ildə Avstriya kralı Ferdinand Osmanlını dayandırmaq məqsədilə Xorvat Kralı olaraq seçilmişdir. Lakin bölgə 150 ​​il boyunca Osmanlı hakimiyyətində qalmışdır.

1991–1995-ci illərdəki qanlı döyüşlərdə milli parkdakı bir çox yer yandırılıb yıxılmış və bölgədəki minalar səbəbiylə park WHS Təhlükəli bölgə siyahısına girmişdir. Döyüşdən sonra bölgə minalardan təmizlənmiş və 1998-ci ildə Təhlükəli siyahısından çıxardılmış yalnız WHS siyahısında qalmışdır.^[3]