XASİYYƏT [Pərviz:] Bu xasiyyət bir azar kimi mənim yaxamdan əl çəkmir (M.İbrahimov); ADƏT Səgrəqib sözünə etibar etmək; Bilməzəm, xublarda bu nə adətdi (Q.Zakir); FİTRƏT Çopo Ceynizə: Deməli, başqa-başqa fitrətə malik olduğumuzdan bir-birimizi anlaya bilməyəcəyik (Çəmənzəminli); XARAKTER (dan.) Pərviz: Səfanın sözü açıq deməyi və xarakterini möhkəmlətmək qərarı mənim xoşuma gəlir (M.İbrahimov); XİSLƏT Yox, yox... O quşla var nisbətin sənin; Onun xislətidir, xislətin sənin (M.Rahim); XOY (kl.əd.)Xoyu məlaikdir, özü pərinaz; Cilvəsi qarıçqay, cıqqası şahbaz (M.P.Vaqif); QILIQ (dan.) (yaxşı rəftar) Tubu: Arvadın gərək qılığı olsun. Sənin qılığın yoxdur, kişinin də gözüne girə bilmirsən (Ə.Haqverdiyev); MƏŞRƏB (arx.) Əbülhəsən bəy: ...onu əski hannalığından tamamilə ayırmaqda və yüngül, xoş məjrəb bir qadın etməkdə idi (M.S.Ordubadi); TƏB (kl.əd.) Təbdə sərtdir çü mülki-şimal; Xəlqinə tünd olur dəxi əhval (S.Ə.Şirvani); TƏBİƏT Qaraca qızın təbiətində inadcıllıq vardı (S.S.Axundov); PEŞƏ (dan.).
Xasiyyət Rüstəmova
Xasiyyət Rüstəmova (özb. Xosiyat Rustamova, 19 mart 1971, Nəməngan) — özbək şairə, tərcüməçi, Özbəkistan Respublikasının "Şöhrət ordeni" laureatı .
== Həyatı ==
Xasiyyət Rüstəmova 1971-ci il mart ayının 19-da Özbəkistanın Namanqan şəhərində anadan olmuşdur. Ali təhsilini Özbəkistan Milli Universietinin jurnalistika fakültəsində , daha sonra isə 2001-2004-cü illərdə Ali Ədəbiyyat Universitetində almışdır. Xasiyyət Rüstəmova 1993-1997-ci illərdə "Dan ulduzu" qəzetində çalışmışdır. 2015-ci ildən "Kitab dünyası" qəzetinin baş redaktoru vəzifəsini icra etməkdədir.
== Fəaliyyəti ==
İlk şeirlərini hələ tələbəlik illərindən çap etdirən Xasiyyət Rüstəmovanın şeirləri dövrü mətbuat orqanlarında dərc edilmişdir. İlk kitabı "Göydəki ev" 1997-i ildə çapdan çıxmışdır. Daha sonra “Nicat” (2003), “Ölüm libası” ( 2004), “Divar” (2006), “Avqust” (2008), “İşğal” (2011), “40:0” (2011) kitablarını nəşr etdirmişdir. Bir çox əsərləri xarici dillərdə tərcümə edilən şairin " Sabahsız günlər" (2008) əsəri türk dilində, "Qorxunc " şeirlər toplusu isə azərbaycan dilində işıq üzü görmüşdür.