ƏHVALAT

ƏHVALAT [Rasim:] Uşaqlıqdan atamdan eşitdiyim bir əhvalat yadıma düşdü (M.İbrahimov); FƏQƏRƏ (köhn.) Gülsabah gələndə bir neçə gün qabaq Muradla Göyçək arasında belə bir fəqərə olmuşdu (Ə.Vəliyev); HADİSƏ Bu hadisədən xatirə olmaq üçün pələngin dərisini soyub evə gətirdim (A.Şaiq); QƏZA Əgər bir kəsin belə bir qəza başına gəlsə, durmuyub gəlsin mənim yanıma (C.Məmmədquluzadə); VAQİƏ Dünya hadisələri... insanları hər gün yeni bir vaqiə qarşısında buraxardı (M.İbrahimov); VƏQƏ (köhn.) ...unudulmuş vəqələri hafizədən silinmiş nöqtələri zehnində canlandırmağa çalışıb, ondan bir xoşluq duyar, təsəlli tapar (Çəmənzəminli); VÜQU Bir qadın da... ətrafına vüqu bulan hər bir şeyə gözaltı baxıb diqqət yetirirdi (B.Talıblı).