сущ.; -ди, -да; -ар, -ри, -ра са тайин месэлаяр гьялунин карда, чкада виридалайни вилик-кьилик квайбур. Мад вуч лугьун за ваз, актив, Дидедин чӀал кьабулдачир. Дидед гайи нек ваз гьайиф, ЧидайтӀа вун икӀ рахачир. Н. Шерифов. Активдиз. Къачуна а дяведи цӀийи шикил: Себ гунуг, гьелегь кьун, вегьин активдал... А. Ф. КьатӀ-кьатӀ авур зунжурар. 1936 - йисуз КцӀара Къуба зонадин актив кӀватӀна, чӀехи собрание кьиле тухвана. М. М. Хайи чилиз икрамда. Амма чи Огнидин ветеранрин советда, са бязибур къерех хьанатӀани, адан асул актив чавай хуьз алакьна... ЛГ, 1996, 23. ӀӀ.
* актив гьал граммат., куьгь., сущ.; ни? куь? суалриз жаваб гудай, предложенида подлежащидин везифа кьиле тухудай существительнийрин падеж. Актив гьал гзаф вахтара асул гъалдихъ ди эхир акал хьуналди гьасил жезва. Гь. Гь. Грамматика.
* актив падеж граммат, сущ.; ни? куь? суалриз жаваб гудай, предложенида подлежащидин везифа кьиле тухудай существительнийрин падеж. Духтурди аял фад сагъарна. Р. Меци инсан хуьнни ийида, адан кьилел балани гъида. Мисал. Актив падеж виридалайни гзаф эхирар авай падеж я. Р. И. Гьайдаров, С. М. Мирзеханов, Гь. Р. Рамалданов. Лезги чӀал.