|| ГЬА-А кӀус 1) вичелай вилик квай гафунин манадал рахазвайдан фикир желбдай гаф. Вуна ана вуч мурмурзава, яда? - чене кьуькуьн тумуна акӀурна, винелди килигзава руш. - Гьайаман ваз Етим Эмин жез кӀанзаватӀа гьа! Б. Гь. Цавун михекар, - Яда, а чна мехъерар авуна, сусар гъайи йисар авай гьа, а чӀавуз чи хуьре, залайни валай гъейри, мад иер гадаяр гьич садни авачир йээ. А. Ляметов. Гуьгъуьниз килигиз. - Я къунши, вуна, эхир, заз са затӀни къалурзавач. Мад акӀустӀарвал чириз жедач гьа! - лагьана. Лезги халкьдин махар. Цуьквер гузва кьуьзуь касди куьчедал, Са кьариди гъилер зурзаз къачузва, Декьикьаяр хквезва жед рикӀел гьа! Пулсуз цуьквер вичив хушдиз вугузвай... Ж. Цуьквер гузва... -Килиг гьа, итим, ахьтин илчияр вуна Дагъларбеган кӀвализ тухуда хьи, адавай гаф атӀуз тежедайвал! Гь. Къ. Къилинж Къемер. 2) вичелай гуьгъуьнилай къведай гафунин мана артухарзавай гаф. Гьа лагьаначир, алатначир адан мецелай а гаф, ваз маса гаф жагъидачирни? М. С. Буьркьуьди. 3) мягьтелвал къалурдай гаф. Аламатдин кар я гьа-а, - мад фикирна Мумина. А. А. Ирид цавук Самурдин ван. 4) рикӀел хуьн чарасуз тирди къалурдай гаф. Бала чан, ваз мекьи жеда гьа! Гъ. Къ. Гьай тахьай гьарай.