араб, сущ.; -ди, -да; -яр, -йри, -йра 1) мусурманвилин вад шартӀуникай сад (Мединадиз Кябедал фин) кьилиз акъудай касдиз гудай гьуьрметдин тӀвар. Эй зи ашна, гьажи Тагьир, Види вуч шел-хвал хьана хьи? Е. Э. Вирт квахьайдаз. Диндин кӀеви къанунриз яб гайитӀа, Кябедал фин мусурмандин буржи я. Садра кьванни нагагь аниз фейитӀа, Чалма ягъна, вун гъуьрметлу гьажи я. М. Б. Диндин кӀеви къанунриз... Адакай гила гьажи Исмаил хьанва. Р. 2) ( чӀехи гьарфуналди ) итимдин хас тӀвар. Патаз, шегьердиз фена рабочивал авур Ахцегь Гьажини гьа икӀ хьана. А. А. СтӀал Сулейман.