сущ.; -еди, -еда; - ер, -ери, -ера мекьи чӀавуз, хъуьтӀуьз жедай муркӀадин куьлуь лацу хъуьтуьл харар хьтин къвал. # ~ къун, ~ цӀурун, ~един цӀверекӀар, ~един кӀватӀар, -един пилтеяр. Гатфарин эвел йикъар тир. Яваш-яваш вацӀар, булахар ахъа жезвай, живер цӀразвай... А. Ф. Бубадин веси. Дагъустандал «Дагъларин Уьлкве» тӀвар ала, Шалбуз дагъдин синерал Даим жмени гар ала. А. С. Зулуз жив къвана, адан кьакьан къатарик акатай емишар, гатфариз живер цӀрана, вацӀара ятар гзаф хьайи вахтара винел акъат хъийида. А. А. Пад хьайи рагъ. ЦӀуд йиса авай аял тирла, за гьамиша къайи цяй, живедай беден чуьхуьдай. М. Ш. Рагъ къаршиламишзавайбур. Живедикай азад хьанвай накьвада шазан тумар бул я. 3. М. ТӀебиат чирун.... Куьчедани жмени марф акахьна къвазвай. Я. Къафаров. Аял буржунай... Жив ина гьамиша авайди я, ана и куьч. жедай вахтара гьамиша ина рагъ жеда. Гь. М. Им къван, имни терез. Гьуьлелай къарагъай къаю къвазвай жив, чилел ацукьар тавуна, цава къугъурзавай. А. И. Мукьтадир. Жив къвайтӀани, атайтӀан рагъ, Шуьшеяр тун я зи кӀвалах. А. Р. ЦӀапан. И живеди инсандин вилерин вири нур тухуда. Гь. М. Им къван, им терез.
* жив живедал къвада мисал адет яз, 'девлет авайдаз ам мадни артух жеда' манадин мисал. Жив живедал къвада лагьайвал, девлет берекатдини амал чидай, къадир авай касдиз чин гуда. Амин! Б. Гь. Большевикдин руш.