фарс, сущ.; -ини, -ина; -ер, -ери, -ера 1) яргъалди векъидаказ з-з-з-з-з сесерин ван авуналди вахтуникай, атайдакай хабар гудай алат. Парчадиз гьар ренг, Пурариз уьзенг, гьар мектебдиз зенг, Гъуьрчехъандиз тфенг ХупӀярашугъ я. С. С. Квез вуч ярашугъ я. Гьа и арада станциядал алай зенгини ван авуна, поезддин начальникди сиристав яна А. Р. ПӀинияр.
* зенг авун гл., ни низ; телефондай алакъаламиш хьун. ... са вацралай заз зенг ая, - меслятна Керкиева. Са вацралай зенг хъувурла, чиновникди Наибоваз вичин патав атун теклифна. М. Алимурадов. Девирдин шикилар. Секрертарди атана, Шабаназ зенг авуна... Ж. Буйругърал рикӀ алайди.... Абур агакьайла, сад лагьай секретарди, жедатӀа тадиз са 45 мад ракъура лагьана, зенг авуна. И. Тагьиров. Кутумдин тариф. Белиждал поездай эвичӀна, Миграгъиз, хуьруьн Советдиз зенг авуна... А. Къ. Дидедин патав. Синоним: зенгун.
* зенг ягъун 1 гл., зенгини ван авун. Адаз мадни са вуч ятӀани лугьуз кӀанзавай, амма гьа и арада телефондай зенг яна. Я. Я. Агалай сандух. Пакамахъ фад телефонди зенг яна. Гь. Гьамзатов. Гьаким Лукьман - Сержан-Ханум...
* зенг ягъун 2 гл., ни тарс куьтягь хьуникай ва тарс башламиш хьуникай зенгиналди хабар гун. Зенг ягъайла, муьжуьд лагьай классдиз зун зи уьмуьрда лап четин экзамендиз хьиз фена. А. Р. Вертолѐт Мегьамед.