КЪАДАГЪА

туьрк, сущ.; -ди, -да; -яр, -йри, -йра ихтиярсуз гьал. Амма къадагъа алай кардил мадни темягь къведа эхир. 3. Э. Муьгьуьббатдин цӀелхем.

* къадагъа авун гл, ни вуч къадагъа тир гьалдиз гъун, ихтияр тагун. Ассимиляциядин рекьер гзаф авай: лезгияр жавабдар къуллугърал тан тийин, мектебра дидед чӀалалди тарсар тагун, радио, газет къадагъа авун, лезги аялар, дидедиз хьайила, документра чара миллет кхьин ва мсб. М. М. Лацу лекеяр.

* къадагъа эцигун гл., ни квел са вуч ятӀани ийидай ихтияр тагун. Хьунар къадагъа авунвай вахтар тир, чинеба кӀваляй эрекьар гузвайдини виридаз чизвай. М. Б. ЦӀийи мискӀин.

* къадагъа авунин форма || къадагъадин форма граммат., сущ. са гьихьтин ятӀани гьерекат ийидай ихтияр тагузвайди къалурдай гафунин форма. Кьвед лагьай касдиз буйругъдин формадин къаншарда къадагъадин форма ава. Къадагъадин форма - мир суффиксдин куьмекдалди жеда. Простой глаголрин къадагъадин форма мурадвилин формадикай здин чкадал - мир эцигуналди регьятдиз туькӀуьриз жеда, месела: нез - немир, хъваз - хъвамир. Ийиз - ийимир, гуз - гумир, жез - жемир ва мсб. М. М. Гаджиев. Лезги чӀалан грамматика. Сад лагьай пай.

КЪАДА
КЪАДАКЬ

Digər lüğətlərdə

кабота́жка напу́хнуть оканто́вывать отправно́й пе́стрядь презента́нт рее́стровый челове́ческий шта́пельный яровы́е ярь-медя́нка атомохо́д бо́цман ни к дья́волу не годится приклоня́ться тряхану́ть bring dobla dynamite meteor Erevan escalator clause indimensional plasticity preterit устыдиться