прил. 1) гужлу. ... дагълар уьцӀедай хьиз, къати кулак галаз гуьрз ахватна. Ф. Ирид юкӀ алай Магьамад пагьливан. Садбурун дерт, тӀал къати гургурна на... Е. Э. Девран, гьей! Бирдан къарагъай къати гору йифен къужахда секин тарар гагь са патахъ, гагь маса патахъ чувалда твадайвал кӀватӀиз, ахъайна... Къ. М. Лезги къавахар. Заз акурвал, ам гзаф кар алакьдай кас я. Амма гзаф нефс къати кас я. Б. Гь. Заз эвера. Ацагъан тарцик къати цӀайни хъувуна, адал шишерни эцигай мугьманар жендекар чуьхуьз булахдал эвичӀнай. М. Б. Шапка. Сифте за зи руьгъдиз дибдай къалин живединни къати аяздин лигимвал кӀанзавайди аннамишна. Т. А. Мехъер куьтягь тахьанмаз. 2) ажугълу, инсафсуз. Са шумуд юкъуз къати женгер хьана. 3. Гь. Лезгийрин риваят. Летчиквилин пеше къачуна, къати женгера авай жегьил руьгъдин игьтияжривай къерех хьанач, акси яз, ада шиирар, макъалаяр, очеркар кхьизвай. Самур, 2002, No 23.
* къати хьун гл., вуч; 1) гужлу хьун. Дерт къати яз хьана пиян... Е. Э. Хьана хьи. Гар къвердавай къати хьана. Къ. М. Лезги къавахар. Ибур кесиб гадади, дерт къати хьана кьилиз тӀал акъатайла, лугьузвай гафар тир. 3. Э. Булахдал. Йикъандавай юкъуз къати жезвай чуьлдин цуькверин атирди векьер агакьзавайдакай хабар гузвай. Б. Гь. Заз эвера. 2) ажугълу хьун.