сущ.; -е, ~е; -ер, -ери, -ера майишатда четин ва чӀехи кӀвалахар хушуналди вири жемятдин иштараквал аваз кьиле тухунин серенжем. Маса са юкъуз пачагъдгт хци сор ядай мел ийидайвал хьана. Ф. Бибихатун. Чи халкьдин дегь девирдилай амай хъсан адетар ава. Абурукай садни мелер я... КӀвалер эцигдайла, керпичар атӀудайла, рекьермуькъвер расдайла, хиперикай сар твадайла, гвенар гуьдайла тешкилай мелер иллаки гурлубур ва шадбур жедай. М. М. Лезги тӀвар алатӀа. Ша чи хуьруьз кӀани дилбер, чи къуншидал мел жеда гьа.. ТатайтӀа вун и межлисдиз, вилин накъвар сел жеда гьа... З. Р. Жеда гьа... Лезги мелен ийиз тариф, Сажидин я куь дуст, ариф... С. Лезги мехъер.
* мел авун гл., ни майишатда четин ва чӀехи кӀвалахар хушуналди вири жемятдин иштараквал аваз кьиле тухун. - Пака тама авай чӀуру емишар ва мегъвер кӀватӀдай мел авуна кӀанда. З. Э. Муькъвел гелер.