сущ.; - у, - а; - ар, - ари, - ара 1) аялдин гъил. Къекъвезва вун пацарапди, Гзафбурун къайда я ам, Адет хьанвай йисаралди. А. С. Хцихъ галаз ихтилат. 2) в. Урус пачагьдинни девлетлуйрин пацукай хкатай халкьариз мад маса залумрин пацук акахьиз кӀанзавач. А. И. Самур. 2) тупӀар галай кӀвач (гьайвандин). ПепӀеша атана, пац кутуна иесидин гуьгъуьналлаз рак ахъайна, хьайи арадай кац хьиз цӀуьтхуьнна ам куьчедиз экъечӀна... М. В. Гьарасатдин майдандал. Бирдан жанавур вилер дишегьлидал алаз са шумуд камунин кьулу-кьулухъ хьана пацарал ацукьна. Ж. Гь. Жанавур.
* пацариз акъатун рах., в., гл., вужар сада-сад гатун, ягъун, сад-садав кукӀун. Са кьадар вахт алатна, хъвайиди кьилиз акъатна будала хьайи гадаяр пацариз акъатна, вучиз ятӀани. Къ. Къ. КӀири Буба.
* пацук кутун рах., в., гл., ни вуж-вуч табиярун. Ада вичин хуьруьнбурун хам хутӀунна вири вичиз табий авуна. Идални бес тахьана, кьунши хуьрерни пацук кутуна вичин раят авуна. А. И. Къиргъин.
* пацукай хкатун рах., в., гл., вуж-вуч, нин табийвиляй акъатун.