урус, сущ,; -ди, -да; -яр, -йри, -йра 1) чарчин гъвечӀи кьвати. Амма Вагьаба лагьайтӀа, жибиндай пӀапӀрусрин пачка акъудна, анжах гила чӀугваз гьазурвал аквазвай. М.В. Гьарасатдин майдандал. Къвердавай за гьар юкъуз чӀугвазвай пӀапӀрусрин кьадар Тамам са пачкадив, гъатта пачкани зуравни агакьиз хьана. А. Р. За пӀапӀрус гадарна. Заз куьз кичӀе жеда кьван, вайнигьал хъуй. вун хьтин райондин центрада Иранвахар авачирбурун: са пачка парашок, са запундин тике гьат тийизвай. М. Б. За бананар недач. 2) чарарин гъвечӀи кӀватӀ. Мамеда кьилел алай полкадилай дипломат авудна. Аслана ам ахъайна. Ам сиве-сивди 25 ва 50 манатрин пачкайрай ацӀанвай. А. Къ. Фу гадарунин буйругъ. Бурма чӀарарин сагьибди истикӀанра эрекь цанмаз, Фахрудина жибиндай са пачка пулар акъудна. М. Садикь. Дуст. Столдин кьулухъ ацукьзава, сейф ахъайна пулар гьисабзава. Адан вилик са хара пул ква. Гьар пачка гъиле кьурла, адан вилери цӀарцӀар гузва, пачка элкъуьриз, и патаз, а патаз пӀагь гузва, пачка вилик эцигиз, адаз портретдиз хьиз килигзава. Ф. Б. Филиал. Синонимар: къундах, туп.