туьрк, сущ.; - ди, - да; - ар, - ри, - ра масадал гъалибвал къачун патал тухузвай женг... . савашра адал залан хирер хьана. А. А. Пад хьайи рагъ. Гьар сеферда цӀийи саягъ гьейранда, Къегъалар хьиз савашдавай майданда. М. Алпан. Лезги чилин дагълар. Аферин ваз, ихьтин чӀавуз сабурлувал къизилдилайни багьа я, халудин. Ви чкадал масад алайтӀа, ина са саваш акъатдай... Т. А; Мехъер куьтягь тахьанмаз. Синоним: дяве.
* саваш авун \[тухун! гл., ни масадал гъалибвал къачун патал женг тухун. Гьар атайда вегьиз лапӀаш, Гагь жеда ви тегьер яваш; Гагь ийиз на дяве, саваш, Жеда ваз ашкъи, Дагъустан. С. С. Дагъустан. Цавдаран рикӀе вуч авайтӀа низ чидай? Ада куькай фикирзаватӀа, адан руьгьда гьихьтин гьиссери, гьихьтин азабри саваш тухузвайтӀа, низ хабар авай? А. Къ. Нехирбанни лекь. Синоним: дяве авун \[тухун\].